小学组亚军-路德会沙仑学校(A队)-香港湿地公园.PDFVIP

小學組亞軍- 路德會沙崙學校 (A 隊) 「大紅小電影之濕地公園歷險記」 馮文豪、倫沛琪、程紹航 大紅 ：弊啦﹗弊啦﹗ 多啦fa 夢 ：咩事呀﹖大紅 大紅：老師話要做一個關於雀鳥的調查，但我又唔記得曬喎 ！老師話聽日就要交 啦，多啦fa 夢，你幫吓我啦！唔係我死梗啦 ！ 多啦fa 夢 ：我成日都叫你唔好臨急抱佛腳嫁啦 ！ 大紅 ：嚟啦﹗嚟啦﹗幫下我啦 ！ 多啦fa 夢 ：唉！怕咗你啦！隨意門 ！Da Da Ta Da ！ 大紅：我哋去邊呀﹖ 多啦fa 夢 ：去香港濕地公園呀！ 大紅 ：嘩！呢度咁大，D 雀仔去曬邊呀﹖ 多啦fa 夢 ：動物探測器 ！用呢個佢哋就會無所遁形架啦！ 大紅 ：佢哋走來走去，我點捉佢哋嚟交功課呀﹖ 多啦fa 夢 ：神奇放大鏡 ！嗱！用依個自己慢慢搵啦！ 大白鷺及大紅 ：哎呀 ！ 大紅：咦！嗨！你係邊個呀﹖ 大白鷺 ：我係大白鷺。我哋屬於鷺科，擁有黃色嘅嘴、高挑嘅身型、同埋Ｓ型嘅 頸，都可以令你一眼分辨到出嚟架啦！我哋住係水域地區，同埋捕食嘅時候都係 百發百中。飛行嘅時候 ，我哋嘅姿態好優美架! 睇下啦！ 大紅：嘩！依度有隻頭部同埋頸部都係紅棕色，額頭仲有金黃色架！依隻係咩呢 架﹖ 赤頸鴨 ：大家好，我叫做赤頸鴨，我哋叫赤頸鴨我哋所屬嘅科目都係鴨科。我哋 呢男仔同埋女仔嘅顏色都唔一樣架 ！我哋男仔係棕紅色嘅背景之下呢，金黃色嘅 額頭呢就顯得非常美麗，而女仔就冇啦，依一個係我哋物種特有嘅特色。我哋呢 主要係食植物，所以我哋好健康架 ！我哋雖然未列入保護名單，但你哋要好好保 護我哋呀！。 大白鷺：嗱！大紅。等我而家教你一D 觀鳥嘅守則啦！第一 ，以鳥為先 ！ 赤頸鴨：係影雀仔或者觀賞雀仔嘅時候呢，盡量唔好影響到佢哋嘅活動。例如少 用閃光燈啦，唔好用食物嚟引誘佢哋。第二 ，保護敏感地點 ！ 大白鷺：唔好登上有海鳥繁殖嘅小島，以免佢哋會受到天敵嘅影響架！第三 ，舉 報干擾 ！ 赤頸鴨：如果你哋發現有人影響到雀仔嘅日常生活呢。我哋就要立即舉報，同埋 影相作証。如果佢都係唔聽話呢，你哋都可以放上Facebook 架！ 等我哋一齊嚟 RIP 返首歌啦！一、二、三。 大紅及赤頸鴨 ：認識濕地動物好簡單，齊去參觀濕地公園啦，保護濕地環境好重 要，以免影響動物嘅生活，只要我哋願意去做，其實只係好簡單、好簡單！