炒内需股要见好识收.PDF

資料只供參考之用。讀者在投資時，應詳細參閱股份年報、招股書及其他報告內之詳 情，並務請運用個人獨立思考能力自行作出投資決定。本報告/評論並不構成要約、招 攬或邀請、誘使、任何不論種類或形式之申述或訂立任何建議及推薦。 投資涉及風險， 股票價格可升可跌。如因相關建議招致損失，概與羅沙證券有限公司、羅沙證券之僱 員、編者、作者及網站持有人等無涉。 炒內需股要見好識收 週一港股回吐低開 64 點，而半日跌幅超過 220 點成交金額有 600 億元；下午再 跌多至 288.25 點收市報 23469.38 點，國指收報 13420.32 點跌 192.90 點，全日成 交達 983 億元。內地上證綜合指數收亦稍微下跌 16 點報 2955 點。 週二港股又跟隨美股造好而高開 82 點似想收復尋日下跌之失地，半日都有百零 點升幅，成交 455 億元；下午再炒高至 294.35 點收市報 23763.73 點尋日下跌失 地經已完全收復，但全日成交金額少咗啲只有 850 億元，國指收報 13573.60 點 升 153.28 點。內地上證綜合指數收升 46 點重上三千點心理關口樓上見 3002 點。 週三港股因受內地突然加息影響而造淡低開 340 點，不過半日跌少至不足 100 點，但下午又再跌回 207.23 點收市報 23156.50 點，國指收報 13448.83 點跌 124.77 點，全日成交再重上千億大關達 1180 億元。內地上證綜合指數收升 2 點報 3004 點。 週四港股又高開返 180 點，不過半日要倒跌 31 點，成交 565 億元；下午再掉頭 轉跌為升 92.98 點收市報 23649.48 點，國指收報 13615.41 點升 166.58 點，全日 成交 940 億元。內地上證綜合指數收反跌 20 點同港股走勢呈背馳報 2983 點。 週五原本估計有個極強台風會打到嚟，點知大家都估錯咗包括天文台，港股又 亦低開 37 點開市，半日成交 468 億元；下午市況牛皮偏軟收市要跌 131.94 點報 23517.54 點，國指收報 13494.80 點跌 120.61 點，全日成交 840 億元。內地上證 綜合指數收跌 8 點報 2975 點。 週五美股偏軟道瓊斯工業指數稍微下跌 14 點報 11132 點，但更能夠反映實質的 SP 標準普爾指數卻能夠升 3 點報 1183 點，油價亦繼續造好企硬 81 元樓上， 反映市場今次牛三期仍未炒完，而內地之突然加息亦間接令熱錢繼續湧入香 港炒高港股，當然包括舉足輕重的內地大型國企股同紅籌股一併炒高，咁亦唔 可以少咗本港老牌大隻股啦。而本週人行突然加息令港股即時有反應聲下跌， 不過牛三期始終要升還是要升，短期振盪反而係入貨良機，事實上週三港股由 下挫三百多點跟住收市又跌少至一百多點經已係最好的例證，因為內地加息係 想要壓抑通脹同升到過曬籠的樓市，因為再咁升法個煲好快就會爆，而哩次個 煲再爆的話就唔會好似０８年金融海嘯咁短時間內升返咁高位，可以話下次個 鑊爆咗就要有排捱個熊三期，正如前金管局總裁任生話斎今次呢個金融亂局真 係百年少見叫大家小心啲咁話，之但係市場上大多數散戶只係睇緊市場上眼前 狀況，話之佢以後至算啦，加上日日見個市淨係識升唔識跌，又以為世界經濟 危險期已過，前路一片光明，大家日日炒股日日賺錢幾開心，咁又係嘅，事實 上牛三期唔會好短時間內玩完，至少亦有幾個月貨仔玩，所以大家要把握好時 機逢跌要入大升要沽貨獲利喇，姐好似本欄前文所述，牛三期會有幾個月貨仔 玩，由九月開始展開嘅升浪到而家走勢都係大漲小回，如果大家仲以為係咩熊 市反彈而怕咗個市係咁升的話，就真係唔多恭喜喇，因為市場上永遠都存在一 正一反理論同事實，而實際上佢哋都啱，因為地球萬物皆有週期性發展，由盛 極而衰再衰極而盛只係一個週期性同時間問題，唱淡者永遠唱淡實會中，唱好 者永遠唱好亦一樣會中，但當唱淡者都走去唱好的時候大家就反而要小心喇， 因為物極必反真係一字咁淺的道理唔需要多講，所以記得見好就要收，例如近 排炒到興烚烚的內需股咁，食正內地內需熱潮大家順勢推高啲股價，如果你仲 唔識見好就收咁當個市冧返落嚟的時候咪得個吉。例如之前 IPO 上市的華地國 際(1700)咁以最高上限價上市但仍比人炒高至高見 6.84 元；而接力準備上市的 長興國際(0238)同樣係炒內需概念，大家亦不妨抽吓新股搏吓大帽搵餐晏仔食 吓。因為個市日日成交暢旺應該唔會短時間內玩完，加上市場據報美國的 QE2 可能會在十一月初公佈，咁快人一步的股市例如港股同美股應該會作為先遣部 隊炒高(炒高沽貨)，大家亦應該跟隨沽貨而