正副主席-cloudfrontnet.PDF

18 區區議會轄下與文化藝術相關委員會（正、副主席）諮詢會議 Consultation Session (Arts and Culture-Related Committees under 18 District Councils – Chairmen/ Vice-Chairmen) 日期: 06/03/2017 Date: 時間: 1600-1800 Time: 地點: 展城館多用途廳 Venue: 香港中環愛丁堡廣場3 號 Multi-purpose Hall, City Gallery 3 Edinburgh Place, Central, Hong Kong MC: 歡迎大家蒞臨今日西九文化區管理局主辦嘅香港故宮文化博物館公眾諮詢嘅諮詢會，我哋今日係邀請 咗嚟自 18 區區議會負責藝術同埋文化相關項目委員會嘅正副主席出席嘅 。嚟自我哋西九文化區管理 局呢邊嘅代表，我哋有我哋嘅營運總裁陳惠明博士，同埋 M+博物館嗰邊，負責香港視覺文化嘅策展 人彭綺雲女士，另外呢就係嚟自設計顧問嘅代表解端泰先生 ，咁佢陣間會同我哋講番而家最新嗰個設 計概念 ，同埋我哋建議嘅一啲設施嘅。首先呢我哋歡迎陳惠明博士同我哋講幾句。 Dr William Chan, Chief Operating Officer, West Kowloon Cultural District Authority: 多謝大家晏晝抽空嚟到我哋呢個諮詢會，相信大家喺咁多嘅場合裏面呢，都了解到我哋個香港故宮文 化博物館有關嘅資料，但係喺呢度我就趁呢個機會 ，再向大家介紹幾個要點，隨後呢我哋嘅建築顧問 解先生，就會繼續介紹我哋最新嘅設計嘅諗法 。咁喺開始故宮文化博物館嘅之前呢 ，我就想趁呢個機 會呢 ，嚟向大家報告一下我哋西九文化區嘅最新進展，趁呢個機會，咁呢張相就係我哋喺今年過年嘅 時候直升機影嘅，咁就可以睇到基本上反映最新嘅情況 。喺呢個相裏面呢，喺右下角係柯士甸道，左 上角就係Elements ，呢一個位戲曲中心我哋其實基本上已經封頂啦，我哋就希望喺明年嘅下半年 ，就 可以開始有演出 。呢一個位置呢 ，從呢個天秤開始一路到呢個白色屋嘅位置呢，而家嚟講呢仲係高鐵 嘅建築地盤，暫時仲係喺地下鐵路嘅手裏面，仲未交俾我哋嘅 。再過啲啦，而家就到嗰個演藝綜合劇 場呢，裏面呢 ，呢個就打緊樁，係打緊樁 ，我哋叫Lyric [Theatre] Complex 打緊樁，今年第三季度就 應該打完樁，就如果個地基呢我哋應該馬上都可以招標啦 ，如果順利嘅話就可以開工，可以今年之內 地基地腳可以開工 。再過嚟隔離呢個呢，就係我哋嘅 M+ ，我哋嘅M+博物館，M+博物館呢其實一陣 間有第二張相可以睇清楚啲，已經出咗地面啦，因為以前一路都見唔到點解出地面呢，原因因為地下 工作 、地下部分工作係相當困難，因為有條隧道喺度 ，所以需要時間比較長，但係一出咗地面呢，形 象進度大家都可以睇到 。我哋喺第二個角度去睇返，就係呢度可以見到 M+博物館已經開始見到上蓋 啲嘢喇。另外呢個M+展亭，其實我哋已經係開始 ，係已經完咗啦，已經喺2016 年嘅7 月份已經開始 使用，其實已經有兩個展覽 ，喺 3 月 16 號開始有第三個展覽 ，係叫做「曖昧」，希望大家到時候抽 空嚟睇一睇，一定好大有收穫 。另外一個藝術公園 ，藝術公園呢 ，其實我哋亦都喺舊年已經開咗工， 就係2018 年到2019 年之間就應該全部完成㗎啦藝術公園 。講返到呢邊 ，故宮文化博物館嘅地盤就喺 呢個位置啦，呢個位置隔離就有個展覽中心，有一樣嘢呢大家可能有啲人話，我哋個故宮文化博物館 係攞咗個公園嘅地，其實唔係嘅，咁大家都見到呢一條線呢就係公園嘅規劃上高嘅範圍，因為我哋喺 個公園未曾做好之前呢，一路有個Nursery Park 有苗圃公園，我哋係臨時呢要嚟做各種活動，所以其 實將呢個位置臨時做苗圃公園，將來嘅呢一邊呢，右手呢邊先至係最後嘅公園嚟嘅，咁所以我哋係冇 佔用到公園嘅地方嘅 。另外有一樣嘢呢就係好多人話我哋西九嘅地係空置，其實呢樣嘢亦都係有少少 誤解，因為啲地喺基本上高，係一路都未交俾我哋，但係如果交咗俾我哋西九嘅地 ，基本上高都全部 都用晒 ，要嚟做各種嘅建設。好喇，我哋講返去故宮文化博物館，我正話都講過大家可能喺各個地方