shot 5 (中环至半山自动扶手电梯) - wordpresscom.docVIP

Appendix 2: Program Script (Host VO) SHOT 1(節目OP:西港城電車站) (景頭由電車Plan落去主持) (主持站在電車站，慢慢向鏡頭行近或鏡頭慢慢close up主持) 聽到叮叮聲，會令你諗起D乜野呢? (稍停幾秒) 鐘聲?定係微波爐叮完野食既聲呢?通通都唔係。而係香港人俗稱「叮叮」既電車呀。佢由1904年已經開始陪住我地生活到而家架啦，都已經超過100年啦。係香港歷史最悠久既交通工具之一。而唔知你又有冇曾經搭過電車呢? 電車唔單止係港島區居民既重要交通工具，而且亦都係外地遊客黎香港必搭既交通工具之一添！今日，我地就會帶大家透過電車黎一齊去遊歷一下港島既一D特色景點，同埋細說呢D地方既歷史添！(望望手錶)事不而遲啦，我地一齊「港島．軌跡遊」啦~~~~~ VO1 (節目路線介紹) (畫面顥示電車東行線畫面) 我地今日就會帶大由上環出發，慢慢沿住電車路線向東行，途經中環灣仔，最後銅鑼灣終點。當中，我地會係每個地區各介紹一特色景點，同埋會講下呢幾個地方既歷史。睇下AKI佢係上環先~~ SHOT 2 街 黎到上環，好多人都會自不然諗起呢度係賣海味既地方黎架bor。咁點解上環又會係一個賣海味既集中地黎架呢? VO2 (上環歷史介紹) (畫面顯示上環舊照片) 上環係四環九約入面既其中一環。所謂既四環九約係指香港成為英國殖民地初期果陣，港島北部既維多利亞城既行政區劃。自1843年以黎，上環一直都係華人聚居既地方，英國人同其他外國人就住係中環。由1850年代開始，隨住太平天國之亂中逃難華人帶黎資金同營商經驗，上環就開始發展成華人既主要商貿區啦。由於蘇杭街同文咸西街接近當時海邊既三角碼頭，所以就成為左香港早期轉口貿易既集中地啦. SHOT 3 (西港城門口/附近天橋位置 黎到上環，就緊係要黎下我身後面既西港城啦~西港城呢度鄰近電車總站。西港城係1906年落成。採用左英國愛德華式既建築風格，以紅磚所砌成。最初係海事處總部，後來先改建做街市。 在1990年，大樓被古物古蹟辦事處列為香港法定古蹟。自此就成為左具有香港文化特色的傳統行業及工藝品既中心。而呢度主要售賣古玩同特色手工藝品啦~ 如果鍾意睇手工藝既你就唔好錯過啦 VO3 (中環歷史介紹) (畫面顥示電車行走的畫面)((中環舊照片) 慢慢離開上環，就會黎到上環Modern既中環啦……. 中環係香港既心臟地帶，亦都係港島開埠後最早開發既地區。早係1841年英國人佔領香港既時候，英國人就率先係中環建立軍事基地，並迅速興建多條幹道。 遠係第二次世界大戰前及戰後初期，中環已經係當時香港的主要商業中心。由於土地唔夠用，係1887年至1891年，已經進行左多次填海工程。今日既皇后像廣場、舊立法會大樓等，都係當時工程時所建成既。 1970至1980年代係中環的全盛時期，當時中環不斷興建摩天大廈，包括各銀行總部。加上金融市場開始興旺，不少香港主要既商業活動都活躍起黎。 SHOT 4 (中環街市 黎到中環，真係人都好似高級左D咁呀~~~香港好多主要既商業活動都係中環黎度進行既，而且唔少香港人都以係中環反工為榮添呀~~唔知我遲D又有冇機會可以係度反工呢~~~~哈哈 講到中環最具特色既地方，點可以唔提位於中環街市附近既「中環至半山自動扶手電梯」呀~~ SHOT 5中環至半山自動扶手電梯 要黎到呢度，只要搭電車東行線方向，去到中環街市落車。經租庇利街就會黎度架啦~~ 主持VO中環至半山自動扶手電梯 中環至半山自動扶手電梯係由殖民地時期既香港政府興建，原意係為左方便半山區既居民往來中環商業區，同埋舒緩半山區既道路繁忙情況。扶梯系統全長800米，，由20條可轉換上下行方向既單向自動扶手電梯同埋3條自動行人道所組成。根據《健力士世界紀錄大全》，呢度係全球最長既戶外有蓋行人扶手電梯。扶手電梯由中環街市呢度作為起點，而終點就去到干德道。完成整個旅程都要20分鐘架。根據2008年做既統計呢，呢條扶手電梯每日約有81,000人次使用添呀!!!! 而且，扶手電梯亦途經多個景點，包括蘇豪區，有百年歷史既香港法定古蹟—舊中區警署。因為咁，呢度就吸引左唔少中外遊客黎參觀GA… 主持VO中環至半山自動扶手電梯 行完成條中環扶手電梯一轉，雖然真係好攰~~~不過開心既係終於見識到呢條全球最長既扶手電梯既威力呀~~果然名不虛存~~~但係，喺假期時可以悠悠閒閒咁黎呢度行下，感受下中環既另一面都真係幾寫意既~~~ SHOT 6灣仔電車站 去完中環呢個健力士世界紀錄大全既景點之後，我地就搭電車黎到地方—灣仔，一齊繼續遊歷啦 !!不過係遊歷之前，我地先了解下呢度既歷史先啦 VO 4 (灣仔歷史介紹) 灣仔係香港最早發展既地區之一。灣仔呢個名有「小海灣」既意思。不過隨住城市既發展以及不停既移山填海，昔日「小