民间文学概论-云林国民教育辅导团.PDFVIP

民間文學概論 蕭藤村 臺文編寫 1. 民間文學的意義 「民間文學」（folk literature ）﹐是屬佇庶民的文學 。其傳承者攏是無名的庶民﹐ 使用方言﹐那講那吟﹐那唱那唸﹐用活潑的形式﹑表達通俗的內容 。干但靠口耳相 傳﹐代代傳承生活的各種經驗佮智慧﹐表現出無仝時代佮空間的社會百態﹑風土民情﹑ 價值觀念以及倫理規範。「民間文學」保存了傳統文化﹐呣但抒發情感﹐也傳達訓誨 。 西方定義下的民間文學﹐是民俗學 （folklore ）的一部分﹐以口述傳播為主﹐四 界攏有聽眾佮傳播者（folk groups ）﹐各有各的特徵﹐自然包涵收納社群的風格佮價值 （tastes and value ）﹐民間文學遺產上濟的往往是地理位置相當孤立的地區﹐因為孤 立﹐足適合培植﹑傳揚一種社區精神 （community spirit ）﹐順紲建 立久遠的傳統 。 民間文學佮書面文學無仝﹐民間文學以口述傳播為主﹐書面文學以閱讀傳播為 主 ；嘛佮通俗文學無仝﹐通俗文學大概攏有寫定的文本﹐作者往往是確定的知識分子﹐ 呣佫民間文學的傳承者攏是無名的庶民大眾。 2. 民間文學的特色 民間文學是集體創作﹑集體流傳﹑集體享有﹑口頭傳承﹑本質樸素﹑內容多變。 3. 民間文學的內容 民間文學會使講是民間文學的百科全書﹐上自天文氣象﹐下至地理風水﹐無所不 包﹐包括社會現象﹑倫理關係﹑家庭生活﹑知識風俗﹑品德修養﹑男女關係﹑行業經 驗……等等 。只要是會當傳承智慧﹑經驗﹑教育﹑感受的﹐攏會當傳藉著民間文學表 達出來 。 4. 民間文學的型態 民間文學表現的型態真濟款﹐若對押韻無押韻來分﹐大約會使先分做韻文類﹑散 文類佮韻文散文兼用類﹐呰三大類會使佫分較幼咧﹐說明如下 ： 4.1.韻文類 4.1.1.歌謠 ﹕民謠 ﹑囡仔歌 ﹑情歌﹑褒歌 ﹑勞動歌﹑儀式歌 ﹑節令歌 ﹑ 禮俗歌 ﹑情歌﹑歷史傳說歌 。 4.1.2.說唱 ﹕唸謠 ﹑七字仔﹑雜唸仔﹑答喙鼓 ﹑行口令 。 4.2.散文類 4.2.1.故事 ﹕神話 ﹑傳說 ﹑故事 ﹑囡仔古 ﹑笑話 。 4.3.韻文散文兼用類 1 4.3.1.俗諺 ﹕俗語 ﹑諺語 ﹑格言 。 4.3.2.戲言 ﹕激骨話 ﹑謎 猜 。 5. 民間文學 紹介 5.1.民謠 民謠就是 「Ballad 」﹐由民間流傳下來﹐旋律純樸﹐形式簡單﹐真情流露而感人﹐ 是一種庶民的心聲 。佇性質上佮中國古典文學的樂府相近﹐反映出特定時期﹑特定區 域的社會生活型態﹐通常無定式﹐無定本﹐真自然佇民間流傳。佇臺灣流傳的 民謠﹐經過眾 人的改編﹑修飾﹑解釋﹐一代傳一代﹐佮臺灣 人的心聲合而為一﹐透 濫了一代一代人的感情﹐成為集體創作的結晶 。 歷代傳唱的民謠﹐本土味真厚 。如恆春的 〈思雙枝〉﹑〈平埔調〉﹑〈牛尾絆〉﹑〈草 蜢仔弄雞公〉﹔嘉南平原的 〈六月田水〉﹑〈六月茉莉〉﹑〈卜卦調〉﹔嘉義的 〈一隻鳥 仔吼啾啾〉﹔宜蘭的〈丟丟銅仔〉等等攏有在地的背景﹐其他〈五更鼓〉﹑〈桃花過渡〉﹑ 〈恆春耕農歌〉﹑〈都馬調〉﹑〈臺東調〉﹑〈乞食調〉﹑〈牛犁歌〉﹑〈病囝歌〉﹑〈搖囡仔歌〉﹑ 〈勸世歌〉﹑〈車鼓調〉﹑〈南光調〉等等攏是本土結相黏的 。 5.1.1. 〈一隻鳥仔吼啾啾 〉 Dm 調 2/4 自由板調 小三和弦 ∥: ３０ ３０∣３ ３∣３３ ３３∣１３ １∣ ∣－ ∣０∣ 嘿 嘿 嘿都 一隻 鳥仔 吼 啾 啾 咧 嘿 乎 嘿 嘿 嘿都 啥麼 人仔 共阮 挵破 呰个 岫 都 哪 （ne ） ∣３∣３３１∣１∣１:∥ 哮三更 一半 暝 無岫 乎嘿乎 予阮掠著 呣放 伊 干 休 乎嘿乎 5.1.2. 〈六月田水〉 Ｃm 調 2/4 自由板調 小三和弦 ∥∣００∣６∣６∣６－ ∣３．０∣６６∣ 六月田水 嘿 嘿 嘿都當 燒 咧 鯉