国民小学学生辅导资料记录表第一页.DOCVIP

台語童謠 (台灣囝仔歌) 點仔膠 點仔膠，黏著腳， 叫ㄚ爸，買豬腳， 豬腳塊仔滾爛爛， 餓鬼囝仔流嘴涎。 炒米香 一的炒米香，二的炒韭菜，三的沖沖滾，四的炒米粉，五的五將軍，六的好子孫， 七的蚵仔煮麵線，八的講伊欲分一半，九的九嬸婆，十的撞大鑼，打你千打你萬， 打你一千零五萬。 白鴒鷥 白鴒鷥，車畚箕，車到溪仔墘，跌一倒，拾著兩仙錢，一仙儉起來好過年， 一仙買餅送大姨。 火金姑 火金姑，來食茶， 茶燒燒，來吃芎蕉，芎蕉冷冷，來吃龍眼， 龍眼要剝殼，來吃那菝， 那菝全全籽，食一下落嘴齒。 無腳會爬，無手會啉茶，有眠床，無棉被，有厝無土地，一間厝背咧戇戇旋。 ( 西北雨直直落 西北雨直直落， 鯽仔魚欲娶某， 鮕魚兄打鑼鼓。媒人婆仔土虱嫂， 日頭暗尋無路， 趕緊來火金姑， 做好心來照路，西北雨直直落。 表單的頂端 ( 嬰嬰睏(搖囝仔歌) 嬰仔嬰嬰睏，一瞑大一寸；嬰仔嬰嬰惜，一瞑大一尺；抱子日落山，搖子金金看； 子是阮心肝，驚你受風寒。 一二三四 一二三四，一二三四 囝仔腿腹裼無代誌， 土地公伯仔來保庇。 一二三四，一二三四， 囝仔兄驚著嘛是無代誌， 土地公伯仔來保庇。 初一早 初一早，初二早，初三睏到飽，初四接神，初五隔開，初六舀肥，初七七完，初八完全， 初九天公生，初十有食食，十一請子婿，十二查某子轉來拜，十三食泔糜仔配芥菜， 十四結燈棚，十五上元瞑。 猴佮狗 樹頂一隻猴，樹腳一隻狗，猴看著狗，狗看著猴，猴走狗嘛走。不知是狗驚猴， 抑是猴驚狗？ 死鴨硬嘴巴，斬頭揾沙茶，吃落腹肚內，漏到規褲底。 ( 大箍呆 紅管獅，白目眉，無人請，家已來；來來！大箍呆，炒韭菜，燒燒一碗來，冷冷阮無愛。 ( 土豆仁 土豆仁，酥閣香，豬肉炒油聰，五月節，縛肉粽，好吃叮噹。 ( 白露 十月白露凍草枝，草枝青青含愛意，見笑歹勢，暗喜尾欹欹， 十月白露凍竹籬，竹籬珍珠掛胸衣，破腹等待，目睭金熠熠 十月白露凍紅柿，紅柿結子抹胭脂，無影無跡，風搖目屎滴 十月白露凍床墘，床墘思君沁心脾，茫茫怨怨，寒夜咬喙齒 ( 冬節圓 小雪過了是大雪，大雪擱行著（到）冬至。暗暝上介長，思念遠遠遠； 今年操煩夢中囥，醒來日頭曝眠床；圓仔思念來煮湯，一碗親情燒擱軟。 冬至寒霜來叫門，叫咱明年早拍算；過去毋免問，未來列（咧）發光； 共心早慢會相見，拍開彩霞半邊天。冬至圓仔逐粒圓，明年定著是好年。 ( 歲時歌 正月正，請囝婿，入大廳。 二月二，刣豬公，謝土地。 三月三，桃仔李仔伨頭擔。 四月四，桃仔來，李仔去。 五月五，龍船鼓，水裡渡。 六月六，踏水車，拍碌碡。 七月七，龍眼黑，石榴必。 八月八，勾豆藤，挽豆莢。 九月九，風吹，滿天哮。 十月十，冬瓜糖霜落餞盒。 十一月，年兜邊，人搓圓。 十二月，穿新衫，通過年。 活動照片集錦 學習單