客家语散文学生组第二名落雨天四腔.PDF

客家語散文 學生組第二名 落雨天(四縣腔) 「落雨天」係今年教育部舉辦个全國語文競賽小學組客語演講个題目 之一。還記得民國94年讀小學五年級，第一擺參加全國語文競賽客語 演講比賽个時節，乜有這個題目。該央時，係吾姆手寫个稿仔，單淨 負責認客語漢字去背稿仔、上臺演講定定，較無自家个想法。 記得，該擺，外背堵堵落等大雨，背熟了以後，興嘟嘟仔在廳下演 講分吾婆聽，因爭雨水聲盡大，吾婆講：「耳背背仔，愛唸較大聲兜仔， 正聽得清楚。聲愛嘹亮還愛入軟1 ，下把仔還愛牽兜仔聲，正有客家話 个本色哦！」就恁樣，佢耳角角仔聽一擺過一擺个練習……。客話聲、 雨水聲、吾婆喜形於色緊啄目睡个牽覺聲，做下攞攞等所創造出來个交響 樂曲，促成踏上「客語」這條「不歸路」－－連等八年，一直到今， 還愛繼續行下去！一到過一到个演講、朗讀摎字音字形比賽，記錄等對 客語个熱忱同堅持；屋下堆打堆个獎盃、獎狀摎獎品，激發出傳承客語 个信心同決心。「近山知鳥音，近水知魚性。」確實毋會差，今這下， 對客語有較知總了2 ，總算做得用自家靚靚个母語寫文章了。 頭下碼，目珠一影著3 「落雨天」這個題目个時節，在臺北這大都市 肚讀大學、棧學寮个，心肝肚黏時想著个係還歇在莊下，一旦就盡惜 入心个阿婆。落雨天，對來講，有當多微毛末節个齣事，說都說毋完、 講都講毋煞！落雨天，分有盡多、盡多、盡特別个感情摎回憶……。 本成，盡惱落雨个，因為滿哪仔都溼溚溚仔，正行一站仔路定定， 一雙鞋就溚溼。緊行，該鞋內肚个水就緊涉4 ，晾个衫乜毋會燥，輒輒臨 時及急無麼个靚衫好著，實在博人惱就有！落尾，嗄緊來緊好5 落雨天 了，除忒係有盡多「好空」以外，最主要係因為對吾婆感覺著－－「毋朌 得」！毋知哪央時開始，吾婆該張本旦紅羅花色个面，經過風吹日炙，面 一 ○ 二 年 教 育 部 閩 客 語 文 學 獎 得 獎 作 品 欣 賞 皮緊來緊打摺……。遠遠看著腰拑背吊个阿婆行等轉，心肚講有幾毋盼 得，就有幾毋盼得！ 自知人我開始，好天好時，吾婆總係歸日仔躁躁轉，總係手袖仔落 等、笠嫲戴等、大手帕6 等，一張靚靚个面，揞到塞塞，只聽得著聲看 毋著嘴，單淨看得著兩粒圓圓个目珠仁捩來捩去定定。見擺看著佢，在日 頭下做到汗流脈落7 8 ，一身潦潦，連他奧路 都捽到扭得出水來，就盡 毋盼得。打幫落雨，一年透天都無閒洎杈个阿婆，就做得敨一下氣、歇一 下睏，毋使去田坵肚做田事，毋使同一群歐巴桑9 10 共下坐在拖拉牯 頂去 茶園手摘茶，毋使去山頂照顧佢該幾頭仔唶心甜个柑仔樹了！故所，落 雨天，正11 12 正式 係吾婆个「放尞日」。加勢，農家人係看天食飯个，係 長時間天旱無落雨，吾婆不免會心焦焦仔、會愁慮，毋想看著佢心愁个 樣仔！你講，仰會毋好落雨天呢？ 吾婆六十二歲正有這個長孫女，怕係恁樣，佢總係第一13 惜。 落雨天，分想著讀高中以前、還同吾婆共下歇在莊下个時節。逐擺 落雨天，吾婆就會在屋下車衫褲、攣14 15 這攣該，補暴線縫个洋服牯 、 車腳膝頭爛一隻大空个褲、安㪐忒鈕仔个衫，換壞忒跡古16 个尖把 17 ，就連肨線衫，佢都做得像變奇術樣仔，同該㪐線緊㪐緊大空个地方， 攣補到靚～18 靚靚！雖然著