四腔-106年全国语文竞赛.DOC

106年全國語文競賽客家語朗讀文章高中學生組（四縣腔） 編號1號 【吾个隔壁鄰舍】黃詩婷原作 人講：「近鄰贏過遠親！」確實毋會差，俚生活當中，盡多事情無辦法單人獨馬去完成，需要隔壁鄰舍來??手，故所，歇在上家下屋 上家下屋：音 上家下屋：音song gaˊ haˊ vugˋ；鄰居。 歇在吾上家个人，大人細子都盡良善，對人盡好。該做阿婆儕，堵著熟事人都係開容笑面个相借問，看著生份人，乜會同佢頷頭，打招呼！佢兩公婆，無論莊肚麼人屋下做好事、也係歪事，無就廟項做鬧熱，都會義務踏過去??手，對上鄰下舍乜當親切，當有人緣，大家都盡好同佢兜打嘴鼓。厥倈仔、心臼盡賢孝，畜个細人仔，講話低言細語，當有禮貌，盡知人我、知上下，分大家盡阿??！ 歇在吾屋下對面个阿伯婆盡煞猛種菜，逐日臨暗仔都會去菜園淋菜，佢講，自家菜園種个菜無農藥，又盡萋，食起來較安心！故所，逐擺有收成，都會送菜分??兜煮來食。 斜對面个阿伯公盡樂天，生活態度係「手痛好過家，腳痛好繡花。」輒常會看著佢在禾埕項，坐到矮凳頂鋸弦仔、唱山歌，人聽著感覺盡爽快，無愁無慮！下把仔，??乜會跈等吾公過家去厥屋下泡茶、尞涼，聽佢兜講古，感覺著盡生趣，分??體會著「敬老得福，敬禾得穀」个道理。 毋過，歇在吾下屋个人，煩惱過多！兩個倈仔盡毋聽教、毋像人，兩兄弟歸日仔吵吵鬧鬧，冤家羅債，惡擎擎仔，還長透相打泌背。做爺哀个講無兩句，佢兜就頸偏偏仔、眼豺