100年全國語文競賽臺灣客家語朗讀稿（北四縣腔）.docVIP

101年全國語文競賽客家語朗讀文章高中學生組（大埔腔） 編號１號 【老莊頭】江昀 原作 人，歲數越大，越會愐著老頭擺，今晡日有一場演講，有機會轉來故鄉，離頭擺戴个莊頭無幾遠，斯順路轉去看看啊咧！ 行過一條大河壩，細路脣係伯公下，頭擺舊舊陋陋个伯公廟，這下整都當素絲，大理石神桌頂有一盤弓蕉，同兩粒大白柚，用三隻銅打个神茶杯敬奉神茶，高腳个杯脣刻花刻都當靚，伯公伯婆笑咪咪，還係恁親切、恁得人惜，伯公伯婆著新衫，各人胸脯前還掛緊一垤金牌，禾埕項兩排老桂花樹，開枝散葉，躼花躼花个桂花白雪雪開都香香香，側角个老牛眼樹緊來緊粗蠻。對伯公下看出去係故鄉个好山好水，青荷荷个田坵連到山腳下，左片析係吾這兜頭下行過个大河壩。 金花嫂?核一擔擔頭愛轉屋，看起來怕係正對街路轉來，買兜豆油鹽日用品个款，金花嫂行入來伯公下食茶，順續尞一下涼。??笑笑行前去同金花嫂相借問，金花嫂驚怕係已久無看著??了，頭下還認??毋識，??同佢講??係銀輝个妹，佢正大嫲牯聲講：「哎哦，係銀輝个妹啊，還久無看著哪！來！來去吾屋家食茶。」 吾等同金花嫂个擔頭扐上車，載佢轉伙房，車行入伙房，有兩三個細人走緊出來看鬧熱，車停在金花嫂屋面前，吾這兜入去食一杯茶，斯拜託金花嫂帶吾等去看一下莊頭个老人家，大海伯前年過身，大海伯姆八十零歲了，佢毋肯去臺北同後生人共下戴，一個人戴在莊下，屋家請一個越南來个細阿妹照顧，大海伯姆耳公已聾，講話佢全聽毋著，??用越南話同細阿妹相借問：「anh khoe khong？ 過了，金花嫂又帶??去看阿煥伯、立來伯婆、阿嬌姨、順風伯……厥等大家，歸個莊頭十股八係老人家，旦旦係一個老人家合一個外勞，有越南个，還有印尼來个，越南个較少，印尼个盡多，因為印尼个細阿妹會講客話，溝通較利便。??用印尼話問細阿妹，這位个老人家好服侍無，大體都講毋會差，一半個頭腦無清楚个較費氣忒等，??拜託厥等愛好好照顧這兜阿公、阿婆，下次擺有閒??會轉來看厥等。 莊頭行透透，貼貼到日頭硬硬愛落山，金花嫂緊留??食夜，??實在無時間，高不將連夜趕轉屋家。 路項，吾心肝肚總係無安無生，頭擺恁鬧熱个莊頭，大禾埕做大戲、打採茶，細人上家攀下家，鬧熱濟借个大榕樹下，這下單淨伸著兩隻老狗牯，懶拐拐搵在地泥下，還有幾下臺輪椅圍在樹頭下，細孲伸無兩三個，落山个日頭晟啊去，歸個莊頭冷冷落落。 ??斯像係對煞棚个戲棚下行出來共樣共樣，心肝肚厄厄塞塞，緊愐：??老了，係毋係會像這兜老人家共樣，孤孤栖栖一個人生活？ 101年全國語文競賽客家語朗讀文章高中學生組（大埔腔） 編號２號 【柯子】江昀 原作 吾哥係大號个細人，從細戴在山肚，滿山趖滿山走，山頂个樹種、野花山草，怕已少佢毋識个，莫講係香絲、油桐樹，連高天天个黃牛檀、柯樹，佢做下當熟絡。過兩日斯係聖誕節了，吾哥用掛號信寄來成十粒柯子，咖啡色个柯子，像手指尾恁細粒，長篙長篙圓圓，差毋多像蓮子个形投，毋過柯子砉硬，做細人个時節，專門拈來準極樂搞，在蒂頭平平个所在揤一節香精骨落去，利用尖尖个尾做支點，尋一粒平平个石頭無斯係桌頂，用手指公同第二指拈緊香精骨?一下，柯子斯會迷迷轉，看麼人迷較久來比輸贏。 搞柯子个記憶，分??愐著屋側角該頭牛眼樹，牛眼樹當大頭，長年透天青葉遮日，大人細人盡好在樹下尞涼。樹下有一粒已大粒个石頭，長長又平平，當堵好坐。?柯子比賽大體斯會在這進行，輸个人愛分贏个人一粒柯子，柯子越多个人斯越好額；頭擺个細人無麼个錢好使，旦旦斯係囥兜金珠、紙牌、無斯柯子，下把下戴街路个細人無哪好拈，斯會來同佢買，恁泥斯使得賺兩分錢買糖食，毋正講這兜東西斯係山頂細人个財產。 吾哥從細斯當即靈，講著搞斯一條線，佢用鉛線搵个輪又圓又靚，已好駛，分人搞都毋會懶；佢削个樹弓金頭又主固，?一條樹乳上去，看係愛射鳥也係射果子做下使得，連學校个同學都會同佢訂。 有一擺，都市來个先生講想愛食水蕨，吾哥七早八早斯?床，飯都毋顧食，揹核書包去圳溝脣拗水蕨，拗著一大抓，儘採挷一支草綑綑咧，斯愛帶去學校分先生，前腳正踏出水面，斯看著一尾水蛇趖過來，吾哥著驚一下走到尾瀉屎，一路走到學校腳都無貼地。對該擺起勢，先生出較高價佢都毋肯同先生拗水蕨了。 吾哥正經係大號个搞頭王，若係看著細人在該鬥無敵鐵金剛也係弄布袋戲，佢都會去共下搞、鬥鬧熱，下把還會教細人用膨鏡引日頭做科學研究，因致細人乜盡好尋佢，三輪車壞撇啦、「芭比娃娃」手斷撇啦，拼圖鬥毋起來啦……麼个奇奇怪怪个齣頭都會來尋佢。佢正經當熱心，大大細細都當好同佢共下，從細到大厥人緣已好，相識滿天下，佢出去旅行个時節，單淨帶兩領衫褲斯使得，行到哪食到哪，毋管山頂海脣，哪位都有朋友，大家都當歡迎佢，佢總係帶分大家歡喜快樂。 101年全國語文競賽客家語朗讀文章高中學生組（大埔腔） 編號３號 【萬丈高樓從底起】劉明猷 原作 話講：世間事，總係一步