20091029集資$100萬o靚仔「籌旗」賣甜品.docVIP

壹盤生意（壹週刊第1025期 29.10.2009） 集資$100萬　o靚仔「籌旗」賣甜品 旺角的糖水鋪多過米鋪，既有名牌糖水鋪滿記及發記甜品，又有大量標榜新奇古怪款式的新式甜品店，外來者要插旗殊不容易。不過，今年八月中卻有間名為「甜品革命」的店鋪，膽敢踩入砵蘭街，靠創新的酒店級西式甜品揭竿起義。起義者，是兩個分別只有廿四及廿六歲，計仔多多卻無甚飲食經驗的o靚仔陳皓翔（Eric）及余鴻飛（Chris）。兩人厲害之處，是他們根本不夠資金，但憑着三寸不爛之舌，竟能於開鋪前氹掂有廿年做酒店甜品經驗的大廚劉偉雄（Andy）加盟，並成功游說四位只是萍水相逢的投資者入股，合共籌集一百萬元開鋪。甜品革命初步起義成功，開業兩個多月已月賺近七萬，對投資者亦有所交代。 原為傳統糖水店「八斗堂」老闆的Eric（中）及Chris（右），因替店鋪聘請大廚而認識到來應徵的酒店大廚Andy（左）。三人一見如故，構思出八十多款獨特甜品。 這對孖寶Eric和Chris，兩年前在旅行社工作時認識，由於二人同樣修讀工商管理，分外啱傾，不時商討創業大計。○七年兩人首度合作，合資六千元開年宵批發公司Heartwork，既自家設計賀年公仔售賣，又提供存倉運輸服務，甚至替一眾「零經驗」的年宵初哥做生意顧問，結果比一眾檔主更早「收爐」過肥年，大賺十二萬。去年他們再接再厲，將從年宵賺得的「第一桶金」再加上積蓄，與另一友人於紅磡開設糖水店「八斗堂」，售賣芝麻糊、西米撈一類大路甜品。雖然當時鋪頭已經月賺四萬，然而要打響名堂，便要衝出紅磡到旺區開鋪兼設計獨特甜品。當時他們在勞工處聘請甜品師傅，結果結識了Andy，成為二人創立「甜品革命」的「貴人」。 師傅教路打江山 「嗰時『八斗堂』請甜品師傅，佢走咗嚟見工，其實佢唔係真係想打工，只係想睇吓呢間鋪頭搞邊科，結果大家一傾就傾咗四個鐘。」Eric說。今年三十六歲但已有廿年甜品製作經驗的Andy，曾於港麗及九龍酒店擔任廚師，又做過龍島食品甜品部總廚，更出過甜品書。由於他當時只以自由身替許留山等甜品店做顧問，及幫朋友在越南籌劃開甜品店，本身亦想在香港創業，三人一拍即合齊齊打江山。「我只識匿喺廚房整甜品，文字及表達方面好弱。而佢哋讀得書多，又識搞宣傳，大家剛巧配合到；如果唔係佢哋識宣傳，邊有咁多傳媒訪問呀。而最重要嘅係佢哋諗住發大來搞，發展大陸市場，呢樣最吸引我。」Andy說。他們揀中位於旺角豉油街與砵蘭街交界的一個近千呎地鋪，附近布滿時鐘酒店、桑拿浴室及色情行業的廣告牌，不少市民行至朗豪坊便會止步。不過，Eric和Chris對鋪址完全不介意：「喺旺角真係好難搵鋪，同埋做甜品唔同正餐，要開响好旺嘅地方。好似糖伯府咁，開喺車房林立嘅染布房街都大把人去食。證明只要有聲勢，啲人就會嚟幫襯。」Eric振振有詞道。 雖然鋪址位於品流複雜的砵蘭街，但每晚九點後，鋪前均會出現等位的人龍。 眾志成城齊集資 他們開設「八斗堂」時，成本只需三十多萬，鋪租七千；但要在旺角租鋪，月租已要九萬五。所以，他們約需一百萬元資金才能成事。為了更專注開新鋪及籌集資金，他們便將二人所持紅磡「八斗堂」的六成股份，以廿多萬元出售。但靠他們三人之力亦只有約六十萬元本金，需要另覓投資者加盟。由今年三月找到六月，Eric和Chris終找來另外四位投資者，湊夠數開鋪。這四人其中兩名是「八斗堂」熟客，從事基金管理工作，「佢哋住紅磡，成日嚟食甜品，並講笑話開多間就預埋佢哋，結果今次向佢哋『集資』合共十萬元，話咁快就應承！」Eric說。另一人是Chris在旅行社工作時的上司，本身老友鬼鬼，亦認為Chris信得過，要籌旗易過借火，結果肯入股二十萬元；而最後一位，竟然是從網上討論區招攬來的鍾小姐，她與Eric及Chris並不相識，亦肯投資十二萬元。原來鍾小姐本想頂下「八斗堂」，然而資金不足，Chris遂提議她投資甜品革命。鍾小姐說：「我去過好多次『八斗堂』，見到佢哋營運得好好，又有好多訪問，再加埋新店有劉師傅坐鎮，所以覺得佢哋信得過。最buy佢哋將甜品飲品化，譬如將tiramisu同布甸配搭成飲品，做到好似奶昔咁，好有諗頭。」另外，鍾小姐說他們開鋪前所製作的計劃書頗全面及細緻，可見二人認真程度，「佢哋早午晚去附近甜品店數人流，做咗一個每日營業額估計表，推斷兩年回本。而家開張兩個月，每個月都有營業資料電郵俾我，雖然未有錢分，但我對成績好滿意。」 位於紅磡的「八斗堂」，為Eric及Chris所開的第一間糖水鋪，兩人為專心搞甜品革命，今年初以廿多萬賣出他們所持約六成股份。 混入了麵包布甸的Tiramisu。售價$35。 自創甜品做主打 甜品革命共有八十多款甜品，大部分由Andy自行研製，例如主打的自創甜品椰果子。製法是先將椰青水煮熱，加入Andy