18万做老板一开即赚.doc

壹盤生意（壹週刊第1033期 24.12.2009） $18萬做老闆　一開即賺 又到聖誕，各大小售賣節日裝飾的店鋪，成行成市。杜志輝（阿輝）、黃偉麟（Eric）、黃文慧（Connie）決定搞搞新意思，每人夾六萬元，在元朗日新街開設精品店——直銷站，趁着聖誕節開檔抓銀，售賣以藍色為主題的聖誕裝飾及精品。 三個老闆，中年創業，沒有零售經驗，憑着事事精打細算，腦筋急轉彎，穩守突擊。直銷站於十月底開業，食住聖誕條水，一開即賺，截至十二月二十日，過去一個多月已穩袋四萬四千元。單是上星期，聖誕前的衝刺期，營業額更達四萬一千元。 三個四十歲的中佬中女—— Connie、阿輝、Eric（左至右），重新上路，挑戰從未沾手的零售業，成功突圍，一開即賺。 「呢度啲嘢好靚，成個元朗都搵唔到。」上週二，客人Cooby在直銷站買了一大袋藍色掛飾，滿載而歸。每逢聖誕，各大小零售店都推出聖誕裝飾，貨物大同小異。元朗日新街的小店直銷站，以藍色聖誕為主題布置店鋪，售賣以藍色為主的聖誕裝飾用品，更針對新界村屋，推出鐳射燈等新產品，成功突圍。持有電工A牌（即可安裝普通家居電器資格），老闆之一Eric，向住在元朗坪山村屋的客人羅小姐，仔細示範鐳射燈的變化和射程，最後羅小姐一口氣買了兩個總值一千二百元的鐳射燈。「我屋企出面有個七百呎嘅花園，夜晚盞燈射出去會好靚，如果唔夠我會返嚟買多個添！」 住村屋的羅小姐買了兩個總值一千二百元的鐳射燈，表示效果良好會再入貨。 搵靚位開檔 阿輝家住屯門，Connie和Eric兩姊弟分別住荃灣及黃金海岸，他們發現，自己區內大部分花得起錢的人都會入元朗消費，而元朗的人都「使得起錢」。阿輝分析道：「元朗其實就係新界嘅旺角。該區由私人樓或村屋組成，附近又有錦繡花園、加州豪園等。屯門係多嘢行，但無元朗咁多元化，就算住上水嘅人都會專登坐巴士過來消費，加上屯門、上水同天水圍都太多屋邨，消費力未必有住私人樓嘅人咁強。」曾任貨車和巴士司機的阿輝，多年來走遍中港各地，深諳各大小街道人流去向的道理，更熟悉「陰陽街」。「呢條街就係陰陽街，多數人都行我哋呢邊嘅行人路，因為對面有垃圾站，又有熟食中心那面牆，令人覺得對面街無嘢行。對面街的鋪租會平過我哋，但平租冇生意有咩用？」阿輝直言，現時月租三萬的鋪位很貴，但貴得有價值，他們曾在元朗不同地方找鋪位。「元朗千色廣場那邊較多乾貨類，但大部分街鋪都較大，租金相對較貴，而街鋪以外則是商場鋪，上咗樓搵錢力大減，因為商場多限制，sell嘢嗰時大聲啲都唔得。」三位老闆每日都會抽時間開會，開業初期發現每日下午四時至六時期間，人流仍然多，但停下來看產品的人很少。「原來我哋個位西斜，太陽落山期間呢邊好猛太陽，啲人無心情睇嘢。之後我哋即刻整咗個簷篷，入嚟嘅人又多番。」Connie說。 位於元朗日新街的直銷站，以藍色聖誕為主題，店中不少貨品於聖誕前已沽清。 防積貨　分散貨源 「起步時我們花了很多時間做市場研究，包括上網、行街、睇展銷會及和唔同年齡嘅人傾偈等，要知道香港最流行係乜，元朗區又欠乜，先可以做到人無我有。」Eric說，他們三人很喜歡逛展銷會。阿輝補充：「廣州嘅春交、秋交（交易會）都去過，當中有外銷貨，亦有內銷，從中可見到各地的潮流。」由於單是租鋪及裝修已花去十四萬，剩下四萬元開業本錢，入貨一定要精打細算。Eric表示最初入貨是最辛苦的：「初初去深圳笋崗，大到行兩日都行唔晒，我哋睇得好仔細，每樣嘢都花時間去研究值唔值得買。到決定買，又只會買小量試下先。」因為這樣，阿輝稱直銷站很少囤積貨。「通常第二次補貨先會大量入貨，例如隻聖誕樹公仔，第一次入五隻，即日賣晒，之後打電話上去補一百隻，翌日已經送到。」他們表示，就算一家批發商有齊想入的貨，都不會於同一家店內入貨。所以直銷站內的貨來自約廿五個批發商。「一來要分散投資，二來可借機會格價，三來可認識不同的批發商和廠商。」每次買LED燈，不論買多少，Eric都會叫批發商當場試，確保不會賣次貨。 為配合藍色主題，店內大部分貨品均包含藍色元素。 一邊唱歌一邊扭動身體的聖誕公仔，放於門口吸引途人注意，一個早上賣十個，售價九十九元。 阿輝（右）與Eric（左）經常穿梭中港兩地入貨，上週四，他們再到深圳補貨。 平過深水埗 薄利多銷是零售商最常用的招數，但阿輝和Eric並不同意。「我哋買貨返嚟，之後會上網同去旺角、深水埗參考人哋定價，比他們的最低價平少少。雖然大家明知係大陸貨，但如果我哋定價太平，啲客會覺得係好cheap嘅大陸貨，反而無人買。」阿輝說。他們通常都會將毛利率定於七成左右。Eric補充：「我哋唔會入太貴嘅貨，如果件貨來貨價都貴，我哋賣得貴又無人買，賣得平又無肉食。」記者搜查過，同一款LED燈，直銷站賣六十八元，深水埗鴨寮街賣七十八元。他們亦容許客人講價。Connie說：「我哋啱