云林县斗六市石榴国民小学.docVIP

104學年度全國學生創意戲劇比賽劇本 劇目：桃太郎大戰垃圾王 參賽項目：傳統偶戲類布袋戲組 參賽組別：國小組 參賽學校：雲林縣斗六市石榴國民小學 參賽日期：105年4月14日 雲林縣斗六市石榴國小布袋戲團演出劇本 劇名：桃太郎大戰垃圾王 第一幕 場景：老公老婆家裡 人物：老公、老婆、桃子 道具：小桃子、大桃子 老 公：食老三項歹，哈肺流目屎。 ＰＳ：唉唷（老婆邊說邊上台） 老 婆：米甕仔咧弄樓啊！你擱會拉咧。 老 公：人活哩世間上，著愛尋快樂。 老 婆：腹肚哪夭是卜安怎快樂！ 老 公：啊無是卜安怎？ 老 婆：愛去打拼討賺啊！ 老 公：無法哩！你甲聽，咧陳切雷呢，叫我去乎雷公（吻）！我則毋咧！ ＯＳ：忽然間，一聲霹靂，對空中落下一粒桃仔。 老 公：我會驚死，雄雄陳這下則大下，我以為擱「921大地動」？ 老 婆：我嘛共款，毋過—哎唷！天公伯嘛真有目睭？專工送這粒桃仔卜乎咱食呢！ 老 公：你嘛好啊？則細粒是卜安怎食？ 老 婆：對喔！擱真細粒-- ＯＳ：一陣風吹過，細粒桃仔變甲足大粒。 老 公：呔會安呢！一時仔娘！變甲則大粒。 老 婆：尪仔，緊提刀仔甲剖來食。 老 公：我來夯刀仔。 ＯＳ：毋免啦、毋免啦，我家己出來。 老 公：阿娘喔！有鬼啦！（躲在一邊，老婆躲在另一邊） 桃 子：喔！覓哩桃仔底三百外年啊！甲今仔日則會凍出來，喔足好耶！咦！拄者有人哩這，太攏無看著人，敢講去乎桃仔癖壓死啊！阿伯啊！ ＯＳ：煞尿啊！ 桃 子：阿婆啊！ ＯＳ：洩屎啊！嘜行啊！ 桃 子：阿婆啊！我號做【櫻桃小桃子】，是專工卜來乎恁做子耶！ 老 公：敢有影？ 桃 子：真耶啊，恁緊出來。 ＯＳ：喔！嘜使騙老伙喔！ 桃 子：好啦！（老婆慢慢上台） 老 婆：哎唷！擱真古錐喔，來來來，你知影愛叫我啥覓？ 桃 子：我捌聽人講過，查某耶，叫阿母，查甫耶，叫阿爸。你是查某，是阿娘。 老 婆：賢喔！你是我兮小桃子，無啊！老芋仔？老芋仔？阿賢啊！ ＯＳ：哩這啦！（慢慢上台） 老 公：小英英，安怎？ 老 婆：伊號做【櫻桃小桃子】，專工乎阮做子耶。 桃 子：喔！查甫，你是阿爸，阿爸。 老 公：喂仔！ 桃 子：阿爸、阿母，恁去歇困，我來去挽桃仔乎恁食。（下台） 老 婆：老仔，你甲看，擱真乖喔！咱入來內底歇困一下。 (全部下台。 …………………………………………………………………………………………… 第二幕 場景：廣場 人物：澎風吉、愛哭安、大舌仔、闊嘴俊、桃子 澎風吉：來來來，逐家攏總甲我排隊排乎好。 ＰＳ：愛哭安、闊喙俊、大舌傑慢慢上台。 澎風吉：我叫恁排隊，每一個人攏愛交保護費，哪無—嘿嘿，著叫您食拳頭母。 愛哭安：（嗚----先哭）我則有二元娘。（嗚---） 澎風吉：擱哭，皮著蹦乎緊。換你，闊喙仔！ 闊喙俊：我則300元卜買早頓仔，交你啦！ 澎風吉：真好，喂！你咧？（轉身向大舌傑） 大舌傑：叫---我，卜---創—啥貨？ 澎風吉：大舌擱幸啼，錢交出來乎我，哪無！我著甲你修理修理。 大舌傑：我---著--- 澎風吉：咦！你真是“衫褲破空-欠捕“。 ＯＳ：舊都罵戴(日語)。 澎風吉：是啥人？出來。 ＯＳ：我啦！（桃子說完上台） 桃 子：大家攏是同學，你安呢著毋對啊！ 澎風吉：猴囝仔！你真愛多管閒事！ 桃 子：我是看嘜慣勢娘！ 澎風吉：咦！真正是“矮人爬壁-欠推“。 （澎風吉甲桃子兩個人相扑，澎風吉乎人扑甲作狗爬） (全部下台。 …………………………………………………………………………………………… 第三幕 場景：廣場 人物：澎風吉、愛哭安、大舌仔、闊嘴俊、桃子 澎風吉：囝仔叔公，囝仔叔公祖，我後擺毋敢啊！ 桃 子：咱大家攏是同學，應該愛逗相共，毋通咧欺負同學。 大舌傑：哇！真好真好，朋友逗陣著是愛安呢。 闊喙俊：肚大居財王，闊喙食四方。 愛哭安：（嘻---笑聲）擱來恁愛叫我號做拉西安呢，無是愛哭安。 澎風吉：對啦！人講友誼萬歲。 桃 子：行，咱鬥陣來去上課。 (全部下台。 …………………………………………………………………………………………… 第四幕 場景：老公老婆家裡 人物：老公、老婆、垃圾王、馬屁鬼 老 婆：今仔日透早，我目睭皮扣扣蔡，毋知蔡卜呷魚抑是卜呷肉？ 老 公：你嘛咧三八甲有春，當然是呷肉。 老 婆：毋擱---你甲聽，呔有即款聲音。 ＯＳ：遠遠兮所在，傳來一陣陣兮神呼鬼哭。 老 公：啥覓聲啊！真正是---阿娘喂，即款兮聲音會乎人 “跤手肉扣扣肉“！ 老 婆：你咧講啥？ 老 公：我兮意思是講？起雞母皮啦! ＰＳ：哈---我出