台语现代诗本土植物ê书写-台湾文学系.PDFVIP

台語現代詩本土植物 ê 書寫 Lí Siok-hōng 台南大學國語文學系碩士生（台語組） 濟濟 ê 台語詩運用植物 ê 書寫來營造作者 ê 寫作意圖。Tī chia-ê 詩作內 底咱看著 ê ，˜-nā 是對植物本身 ê 素描，koh khah 有作者、詩作所寄託對台 灣 ê 關懷 kap 向望，呈現出顯明 ê 台灣意象以及 tīn-tīn ê 台灣心情。本文 透過分析《海翁台語文學雜誌》1 第 1 期到第 50 期所收錄，以台灣本土植物做 為書寫題材 ê 詩作，歸納出詩作所呈現出來 ê 台灣意象 ê 類型，進一步走 chhōe 台語現代詩內底澎湃 ê 台灣情。 關鍵詞：台語現代詩、本土植物、《海翁台語文學雜誌》、接受美學 1. 踏話頭 台語詩 ê 創作因為使用阿娘 ê 話（族群母語）ê 關係，一般 tk 作品攏帶著厚厚 ê 本土氣味，tī 題材 ê 選擇上，往往攏會牽連著濟濟 ê 本土在地 ê 事物。會使講運用 本土題材 ê 台語詩，更加 hȱ 人一款食阿母煮 ê 手路菜 ê 親切感 kap 好氣味。捧一碗 hȱ 大家試一下仔滋味咧！ 五柳枝／虱目魚／酸微仔酸微芳擱甜／有咱台灣人的滋味／參有阿媽的 思想起 五柳枝／虱目魚／酸微仔酸微的記持／想起古早迄當時／生活艱難真稀微 欲煮食／無材料／筍仔／蔥仔／高麗菜／切切濫濫下落牽羹／變出一盤 好食的料理 一盤五柳枝／酸酸鹹鹹擱甜甜／有台灣人的滋味／參有阿媽的思想起／ 共囝孫仔牽牽做一堆 ——《海翁台語文學雜誌》第 26 期，頁 18-19 講著五柳枝魚2 ，其實就是往過台灣人勤儉 khîn 家所衍生出來 ê 一道台灣料理， 因為伊是台灣人 tī 生活困苦 ê 年代所料理出來 ê 一道「渡時機」 ê 克難食食，所以 伊對濟濟 ê 台灣人來講，有一款牛排、魚翅所 bē 用得取代 ê 本土氣味。Kā 它寫 tiàm 詩裡，自然也化做一份膏膏 khó-khó ê 台灣在地感情。往往運用本土在地題材所發揮 ê 詩作，就親像藍淑貞 ê chit 首〈五柳枝〉仝款，真容易引 chhoā 人行入作品 ê 感情世 1 《海翁台語文學雜誌》佇2001 年創刊，原本是雙月刊，自第 13 期開始改做月刊，由台南金安 文教機構發行，創辦人蔡金安，總編輯是黃勁連。Chit 本台語文學雜誌雖然是比較上 khah 「新」 ê 台語文學刊物，但是作者群真曠闊，會使講涵括了老、中、青三代 ê 台語文學創作者。 2 用洋蔥、筍絲、豬肉絲、蔥、紅蘿蔔（也就是所謂的五柳枝）等配料 khiàn 芳，kap 五蔭醋、蒜、 糖、醬油等牽羹了後，淋起去炸好 ê 魚仔頂頭而成。一般攏是使用前一頓食剩 ê 菜來料理。 2006台語文學學術研討會論文集 Tâi-gí Bûn-hk Hk-sýt Gián-thó-hōe Lūn-bûn-ch…p 界內底，引起咱心肝底 ê 共鳴。在詩 ê 創作者來講，是 lih 著讀者 khùi 口 ê 策略 （strategy ），就讀者 ê 角度來看，確確實實是引起 in 讀詩 ê 最佳 ê 動機（motive ）。 台語詩 tī 本土題材 ê 取材上，面向非常 ê 多元；無論是親情、日常用品、年節 慶典、建築、食食、動植物攏是詩人入詩 ê 好題材。親像向陽 ê 〈阿爹的飯包〉，kā 對 老父 ê 親情表現得真正實