图画书戏偶短剧──小狗阿疤想变羊.PDF

明日藝術教育機構 圖畫書戲偶短劇──小狗阿疤想變羊 文圖：龐雅文/ 出版社：格林文化事業股份有限公司 編劇：許美蓮 改編：王添強 繪者：鐵皮人美術 觀眾對象： 3-8 歲 演出長度：約 12-15 分鐘（廣東話） 故事概要： 小狗阿疤想跟羊群做朋友，但因為外貌長得不好看，被羊群拒絕了。好心 腸的狐狸伯伯利用魔法袋幫阿疤和大野狼變身做了羊，讓他們可以跟羊做朋 友。阿疤和大野狼終於被羊群接受做朋友，但在一次籃球遊戲中，阿疤因受傷 而變回狗，被羊群趕走，而假扮羊的大野狼趁阿疤不在時，欲於晚上偷羊吃， 卻被阿疤撞破，狼狽地逃去，羊群感激阿疤救命之恩，從此與阿疤成為朋友。 角色 ：旁白、小狗阿疤、羊仔4 至6隻、狐狸伯伯、大野狼 第一幕：阿疤沒朋友 羊甲：阿疤，（將球傳給阿疤）接住！ 阿疤：係！（將球接住） 羊乙：阿疤，呢度！（揚手示意阿疤將球交給自己） 阿疤：好！（將球傳給羊乙） （阿疤與羊群正在草地上一起開心地追逐玩耍，旁白者走出來，然後舉手在空 中彈了一下手指，羊群和阿疤全部停止活動，畫面停在開心快樂的情境中。） 旁白：（走到羊群前面）你哋睇吓！啲羊仔同隻狗玩得幾開心，嗱嗱嗱（指著阿 疤），呢隻狗…咪叫做阿疤囉，哈！佢以前邊有咁受歡迎架！啲羊仔唔 肯同佢玩架！唔信？等我變番以前既阿疤俾你哋睇吓啦！ （一揮手，就回到過去的情境） 羊甲：（用手推開阿疤）走開啦，阿疤！我哋唔想同你玩呀！ 阿疤：點解唔同我玩啫？ 羊乙：你個樣同我哋都唔同，咁咪唔可以一齊玩囉！ 羊甲：嘛係！你去搵番你既同類玩啦！ 明日藝術教育機構 阿疤：同類？…呢條村，淨係得我一隻狗咋喎，我點會搵到我既同類朋友啫？ 嗯，不如你哋侵埋我玩啦！ 羊乙：唔得！你同我哋都唔襯既，你睇…我哋啲毛白雪雪咁，不知幾…靚呀！ 而你…就只得嗰幾條黃“mo”仔！ 羊甲：點只咁呀，你個頭嗰度…（指著阿疤頭上的疤痕）仲有撻“ lar”添！咁 肉酸，我哋真係唔想同你玩呀！走啦！ 羊群：走啦！ 第二幕：達成願望 （阿疤愁眉苦臉、唉聲嘆氣地獨自倚在大樹旁。） 阿疤：唉…！ 狐狸伯伯：做咩咁唔開心呀？ 阿疤：佢哋話我唔係羊，所以唔到我玩囉！ 狐狸伯伯：喺？！我最鐘意幫人架嘞，不如等我幫吓你吖！ 阿疤：你點幫我呀？ 狐狸伯伯：嗱，我有個魔法袋，佢可以幫你夢想成真架！ 阿疤：真既？咁佢可唔可以幫我變做隻羊，等啲羊仔同我做朋友架？ 狐狸伯伯：得！嗱，你跳入個袋裡面，等我唸幾句咒語，咁就可以幫你變做隻 羊架嘞！ （阿疤一邊走入袋中，一邊說…） 阿疤：好喇好喇，我真係想快啲變做隻羊呀！ 狐狸伯伯：你要等我唸完咒語先好出來喎。 （狐狸伯伯將手放在袋前，一邊舞動手指，一邊唸咒。） 狐狸伯伯：Bla-Bla-Bla-Bla ，Bla-Bla-Bla-Bla… 阿疤：呀！呀！呀！好痕呀！（阿疤在袋中掙扎） 狐狸伯伯：忍吓啦，好快就得架喇！Bla-Bla-Bla-Bla ，Bla-Bla-Bla-Bla ！ 阿疤：呀…呀…呀…。 明日藝術教育機構 （阿疤停止了掙扎。狐狸伯伯打開魔法袋。阿疤用手摸摸身上的毛，再摸摸頭 上的毛，興奮地跳了起來。) 阿疤：得咗啦！得咗啦！我真係變咗隻羊啦！汪！汪！汪！…（停頓 3秒） 呀？！點解我把聲仲係汪汪聲架？ 狐狸伯伯：啊？我唸個魔法袋淨係可以幫你變身，唔可以變聲囉…。 阿疤：咁點算呀？我一出聲，啲羊仔就知道我係阿疤啦，仲點會同我玩啫！ 狐狸伯伯：唔駛擔心，我俾個發聲器你，你將佢黏喺“格勒底”即腋下( )度，只 要你用力夾一下，個發聲器就會發出咩…咩聲架喇！ （阿疤將發聲器黏在腋窩下，手臂用力夾一下，果然發出“咩咩”聲。） 阿疤：啊？！真係會咩…咩聲叫個喎！我真係變左做隻羊呀！哈哈！好嘢，好 嘢，今次班羊仔實會侵埋我玩喇！ 狐狸伯伯：恭喜你呀，不過…你要小心啲，千祈唔好受傷呀，如果唔係，你就