客家歌谣之研究.PDFVIP

客 家 歌 謠 之 研 究 一. 客家山歌个種類： 1. 冇固定个歌詞：一般統稱傳統三大調，係老山歌、山歌仔、平板。 2. 有固定个歌詞：俗稱小調，像桃花開、撐船歌、瓜子仁、初朝歌、病子歌、思戀歌、 糶酒歌、挑擔歌………等。 註1： 傳統三大調加上小調，統稱四大調。 註2： 美濃四大調 — 半山謠、正月牌、大埔調、送郎。 註3： 推薦CD：美濃人美濃歌 — 風潮唱片出版。 二. 客家山歌个演進： 客家山歌係客家人互相溝通、抒發情感个方式之一。最原始个客家山歌係老山歌，客家人 因為住在荒山野嶺、獵山獵角介地方，所以愛用蓋大聲、蓋長聲、蓋高聲个方式來傳達訊息或 者感情，發展出這種老山歌型式个山歌。 老山歌主要以Do、Mi、La三介音為主體，節奏自由，聲音拖蓋長，唱出來比較蓋哀怨、 悲淒（因為同住介地方勞發展出來介民族性有關）。唱老山歌呢，音愛高、氣愛足，注重轉音、 聲同韻。 山歌仔係老山歌个改良，老山歌一般人不容易唱，所以改良為山歌仔。山歌仔勞老山歌調 性相同，冇相同个地方係音較低、節奏固定、速度較快。唱山歌仔呢，音中高、氣中等，注重 轉音同聲。 平板係由山歌仔演變而來，主要以Do、Mi、Sol三个音為主體，還加上Re、La 、Si 等音， 使得平板曲調較完整，聽起來就蓋有變化，也比較蓋開朗、笑科勞豪放。唱平板仔呢，音平淡 不長（也有音較高个，比如高韻平板），注重韻。 老山歌勞山歌仔，佢等調性相同，係比盍哀傷、淒涼，情感蓋容發揮出來。所以呢，一般 人還係特別喜歡老山歌勞山歌仔。 傳統三大調（老山歌、山歌仔、平板）个歌詞大部分互相通用，一般係即興創作，像東漢 三國時期曹植个「七步詩」，也像客家山歌皇后劉三妹个「自古山歌松口（從口）出，奈有山 歌船載來」 ，所表現个係急智，肚司底肚係冇東西呢，係冇辦法唱出這客家山歌个。 三. 客家山歌个歌詞 因為客家山歌係客家人互相溝通、傳達訊息、抒發感情个方式之一，所以呢，山歌歌詞个 範圍非常个寬、變化非常个大，會因時、因地、因人而有所變化。一般傳統山歌个歌詞會加字 同加虛字，加字以後，唱起來會比較平順。客家山歌个歌詞，大約係分成一般類、比喻類、喜 慶類、相關語類同男女對唱類等五種，以下拿幾個例子來說明。 一般類： 摘茶愛摘兩三皮，三日唔摘老了哩； 三日冇看情哥面，一身骨節酸了哩。 老弟待在美濃庄，大家朋友愛來往； 嘴燥請飲茶心茶，肚飢也有鹹菜湯。 比喻類： 入山看到藤纏樹，下山看到樹纏藤； 藤生樹死纏到死，樹生藤死死也纏。 1 喜慶類： 大家今日笑連連，來向壽星祝壽年； 福如東海吉星照，壽比南山子孫賢 新居大廈喜洋洋，福星高照滿華堂； 親戚朋友來恭祝，財丁兩旺萬年昌。 兩姓合婚喜洋洋，百年偕老福壽長； 鸞鳳和鳴昌百世，結成夫妻百世昌。 相關語類： 新作茶壺錫與鉛，哥說錫來妹說鉛； 哥說鉛來妹說錫，總講有錫正有鉛。 麻雀打來東風東，打過白板打紅中； 不要索來不要萬，問妹愛筒晤愛筒。 男女對唱類： (女) 日頭落山月光出，月光照河又照光； 萬丈深潭照到底，月光難照郎心腸。 (男) 阿妹唔使太多心，阿哥一定有真情； 天長地久同妹好，絕冇丟妹尋別儕。 (女) 月光一出雲就開，阿哥約妹妹就來； 今夜相會嫌夜短，鈍刀剖竹難分開。 (男) 蓮塘邊項種苦瓜，吂有三寸就開花； 百萬家財哥唔想，就想同妹