客家流行音乐.PDFVIP

客家流行音樂 江秀鳳 在文明提昇 ke 歷史中，環境影響人文社會發展盡大，音樂係人類共通 ke 文化現象，從原始民族到近代工業文明社會，全部就係用祭天、祈福、驅魔、慶 豐收、彌撒、安魂等諸樂曲，來傳達人對信仰 lau 宗教 ke 虔誠；另外一方面， 也藉助狩獵、魚業、畜牧、養殖、耕種、拉牽、khai 擔、摘茶等等工作所發展出 來 ke 獵歌、fu 魚歌、牧歌、插秧歌、拉牽歌、khai 擔歌、山歌等歌曲形式來表 達人間生活 ke 喜、怒、哀、樂、愛、慾、怨等等 ke 思想同感情。 觀察人類早期 ke 生活，為著適應環境，故所受到自然環境 ke 影響較深，就 像係表現 ti 宗教項 ke 係儀式音樂；在民俗上 ke 係祭歌；在文學上 ke 係詩歌； 在生活上 ke 係工作歌、山歌、情歌；在教養上 ke 係勸世歌、兒歌，這兜受大自 然啟發 lau 生活共生 ke 音樂，係同自然環境肚 ke 山水天地並列，成就涵意較深、 較 fat ke 社會環境。自然環境 lau 社會環境整合，就安到地理環境。 因爭人間 ke 音樂行動係對地理環境肚項產生 ke lau 所感受 ke 事物。故所， 在客家社會環境肚項所產生 ke 「客家音樂」，必然lau 自然環境有互相支配同交 互影響 ke 密切關聯。這就係客家民間傳承民歌，安到「山歌」ke 原因。民間社 會所傳承 ke 音樂本旦係一種自然 ke 產物，這個自然毋係天生原來就有 ke ，佢係 人類 ke 創作物，佢盡早可能係一個無名氏首先創作 ke ，或者係某人對外地引入 來 ke ，過來就對這儕人傳分其他人，對這個地方傳到另外一個地方去，在傳送 ke 過程中有兜人加入一息仔，有兜人修改一息仔，流傳久仔兼怕已經經過盡多 人 ke 傳達 lau 修改，包尾成為某個民間社會大多數人所熟識 ke 、合意ke 、認同 ke 歌曲，這兜歌曲有 ke lau 祭典活動結合；有 ke 同工作、生活結合；有兜 lau 民 俗活動結合；有兜 lau 文學、戲劇結合，傳久 e 盡多民間 ke 信仰、習俗，甚至 當時 ke 思想、觀念也黏附 ti 肚項，就恁樣世世代代傳續下來。（謝俊逢教授２００ ６年８月發表佇台中市四維國小＜台灣客家音樂研究導論＞秀鳳改寫成客語） 台灣客家歌曲，依目前台灣民間傳唱 ke ，大致上做得分：山歌、山歌子、 平板、小調、蘇萬松調、童謠為主。客家創作音樂做得分「流行歌曲」、「兒歌」、 「藝術歌曲」、「樂曲」四種。台灣客家人ke 現代音樂，受到日本 lau 西洋音樂 ke 影響，加上電視、錄音帶、CD 大量進入客家社會，故所盡多客家子弟開始創 作自家 ke 客家音樂。台灣較有名 ke 客家流行歌曲愛算係＜客家本色＞、＜細妹 仔按靚＞、＜一支擔竿＞……，除忒客家人以外，Ho-lo 人、原住民也盡多人會 唱。流行歌仔一般來講係從吳盛智同呂守金合作 ke ＜無緣＞專輯算係盡早 ke 作 品。 還細 ke 時節，ngai 盡有印象 ke 客家歌仔係蘇萬松先生唱 ke 「娘親度子 歌」，ti 客家人 ke 庄頭有 lajiyo ke 人家，就一定會聽到這條歌仔，這下記毋起來 係幾歲 ke 時節聽過 ke ，ngai 十歲就搬去台北，故所係十歲以下 ke 事情 ne 。 1981 年屋家有一 te 吳盛智唱 ke 「無緣」ke 錄音帶，ngai 印象盡深 ke 係「…… 佢就電話打上打下，家家就去調查，只有今夜啊，朋友來約束喊 ngai 上酒家， 1 佢就醋桶桶桶桶桶爆炸了，祿到濃膠膠，進退二難已經成家看破愛讓她，橫架直 架隨在佢啦，公婆毋係別儕……」，生an 大人，一生人毋識聽過 an 生活化 ke 歌 曲，毋使牽聲牽調，唱起來盡自然輕鬆，就做得分大人細子，連毋識字 ke 人， 聽一擺就記得 ke 歌詞，適到盡親切生趣，閒閒就罔唸。十過年前，ti 台中教「客 家話」ke 時節，丁鳯珍先生也識拿吳盛智 ke 「無緣」來分大家分享，佢還特別 準備拼音版分大家唱到盡生趣，到這下還記得吳盛智響亮好聽 ke 歌聲在該唱「今 夜月光特別圓，特別圓，想起往事真怨嘆斷情又一年……莫為愛情來刁難打拚正 有影，管佢對我 an 冷淡，總講 en 無緣。」盡好聽 ke 細賴聲，一路里來就在 ngai