咗嘅嘢乜咗嘅嘢乜咗嘅嘢乜咗嘅嘢乜咗嘅嘢乜咗嘅嘢乜咗嘅嘢乜咗嘢.DOC

屈原 第一幕 人物：屈機、清醒、潮人甲、乙、丙 (幕未開，潮人甲乙丙相繼從前梯上，一面騷首弄姿) 潮甲：(張開手指間長了蹼的手，誇張地揚着)唉──吔──，尋晚搬嘢唔小心撞開咗一隻手指，很傷心呀！雖然即刻去醫院聯番，但係都唔知會唔會有「喇」添架，唉！唯有即刻去做個手指套，希望個傷口埋得好D啦...... 潮乙丙：哇，個套幾靚噃，拎嚟睇睇，响邊間做架？貴唔貴嫁？......(三人堆在一起，聲漸細。) (屈機抱書包從叧一面梯上，被甲乙丙看見) 潮丙：喂，快D睇吓係邊個來咗！係「怪物」呀。(三人立即圍上) 乙丙：(一面訕笑)咦，五指怪喎，(大叫)五指怪！ (屈不理，欲走過去便算。) 甲：五指怪，你仲嚟返學做乜？你都未進化嘅，乜讀得倒書嘅咩？...... 機：邊個話我未進化...... 丙：（提起屈的手）你睇吓，（把屈的手指逐隻擘開）全世界得你一個隻手生得咁怪，人哋話呀，呢D係未開化嘅人先至有架！ (甲乙丙三人扮猴子跳取笑屈，屈回頭逃走，同學清醒上，看見不值三人所為。) 醒：(大叫)姚Sir早晨！(甲乙丙即抱頭奔下)屈機，你使乜為D咁無聊嘅人咁唔開心吖，其實係佢地無知啫。 機：多謝你安慰我呀，清醒。不過我真係畸形吖嘛，(伸出手)你睇吓，你哋D手全部都有蹼，得我冇，一定係我唔妥啦。 醒：錯！你實係未做尋日Miss莊份通識功課啦！！佢叫我哋上衛生署個「虛擬世界」，我入去睇咗啦，原來人類嘅手指係晌100年前先變成有蹼架，裏面仲話果陣個世界原本山明水秀，好美好架，香港仲係旅遊勝地，美食天堂添；果陣世界上人人都好似你咁，D手指分開曬，做嘢好方便；只不過當時D人唔肯環保，由得佢污染至攪成咁，所以，你至係正常架！ 機：(半信半疑)真係？……就算……就算係又點吖，我都係成世要俾人笑架啦，我真係好辛苦，我寧願唔正常埋一份啦！ 醒：喂──明知唔啱都要做，咁易妥協，我──睇──你──唔──起呀！ 機：咁──(一臉迷惘)唔係咁，可以點呀？？ 醒：頭先上文學，Miss 葉咪講你祖先屈原作品嘅！仲派咗隻碟叫我哋上「離騷」虛擬Game，佢講到屈原做人咁有原則，不如一齊入去睇吓，學吓嘢吖！ 機：(作抗議狀)乜嘢我祖先呀！ 醒：嘻！玩吓遮，你叫屈機，佢叫屈原，分分鐘佢真係你祖先都唔定遮…… 屈：我真無你咁好氣呀……不過──(回心轉意)入去當玩吓遊戲都好吖！ (二人下，幕開) 第二幕 人物：（屈機、清醒、屈原、鄭太卜(為人風趣滑稽，手執鵝毛扇)、湘夫人、侍女、山鬼、河伯、洛神、嫦娥、后羿、黑衣人、百姓、東皇太一、太陽仔若干人。） (幕開，先用簡報打出「離騷」光碟，屈機、清醒在在台前桌子旁一面吃糉一面打機。台後燈滅，spotlight亮，照住機、醒。) 機：(向醒)睇吓，睇吓……開到未呀？(幕後播遊戲機音樂。) 醒：得啦！(簡報換成遊戲目錄如下：) 機：喂，不如睇吓佢係咩人先吖。 醒：好呀。(屏幕上「屈原是誰」四字閃亮，然後轉片至以下字幕交代故事背景。醒和機對話助交代。) 屈原以二十二歲驚人年輕的年齡獲得楚懷王賞識，參知內政外交、編寫法令、甚至代表楚王出使齊國，進行合縱遊說。楚王卻誤信親秦國的大臣靳尚，妃子南后及秦國使臣張儀的建議，放棄合縱，放逐屈原到漢北。屈原眼見秦國陰謀得逞，為楚國的前境憂心如焚，一方面不知道自己哪裏做得不夠好，帶着一肚子疑惑，每天在漢水邊上徘徊，希望尋求答案。 (如果可以，最好用) 醒：咦！原來屈原做官嗰陣得22歲咋，咁後生，都幾叻仔喎！唔知靚唔靚仔呢！(作傾幕狀) 機：係啦！如果楚懷王肯聽佢講，同齊國結盟，唔好信靳尚同南后，秦國就無咁易滅到楚國啦。 醒：吓！咁我哋咪睇唔到咁多屈原咁偉大嘅詩詞歌賦囉！ 機：有幾偉大呀－－ 醒：不如Click入去睇吓先吖(屏幕回到上一頁)……唔……頭先講到屈原俾楚懷王放逐咗去漢水以北，不如睇吓佢嗰陣發生咩事先吖。 機：好呀……吖係呢，……漢水喺邊呀。 醒：(白機一眼)咪楚國北部一條大河囉，有冇聽書架你！屈原放逐日日冇嘢做，咪遊山玩水囉，?──呢幕就喺講佢入咗楚國王帝嘅祠堂參觀，見到個解簽佬，叫做鄭太卜喎，咪問吓卜囉，結果咁就寫成咗「天問」同埋「九歌」啦。 機：吓！咁激！ 醒：自己睇啦！ (幕上「作品介紹」閃爍，然後熄滅，所有燈滅。) (台中燈亮，屈原在圖框前作瀏覽觀看狀，然後走近太卜桌，太卜用龜殼搖錢占卜，排出九枚大錢。) (※因台上不宜明火燒灼，故棄艾炙而改後出的錢卜。) 卜：(正經地)好啦屈大夫，而家請你講出問題啦。 原：(先向四方拱揖。)有勞鄭太卜，你可唔可以幫我請問神靈，……所謂「上天有好生之德」，人人都知我地楚國百姓最敬天，最敬神，但係點解上天唔保佑我地楚國呢？ 卜：何以見得個天唔保佑楚人哪？ 原：如果佢保佑我地楚國，就唔會俾個咁強