台语文学运动史期末报告-白话字台语文.DOC

「新」思想、「舊」傳統ê台灣文化交替 摘要 1875年來台灣ê巴克禮牧師了解漢字ê歹學、歹讀、歹寫kap歹記，kan-ta?少少人看ē-hiáu，實在m?是利便ê書寫工具。所以巴克禮牧師來台灣無到二年ê時間先創辦「台南神學校」教台灣人認bat白話字，然後koh tī 1885年創辦白話字報紙《台灣府城教會報》，hō?社會大眾ē-sái透過白話字來吸收新知識。過去白話字ê使用大多數攏流傳tī教會內底，m?-koh白話字文獻中保存真濟hit時代台灣人ê生活語詞、感情kap思想，以及台灣社會新舊文化ê衝突kap競爭。台語白話字ê發展到1920年代已經行向成熟ê階段，致使作家ē-sái透過白話字來書寫、創作長篇ê白話字小說。鄭溪泮tio?h是這個時代書寫白話字小說ê重要作家之一。 1896年出世ê鄭溪泮是基督教徒，伊除了tī教會內底學習白話字以外，伊koh有學過日文kap漢字。這三種語言ê thàu-lām使用情形ē-sái ùi 1926年出版伊ê唯一一本白話字小說《出死線》內底看著。《出死線》是鄭溪泮個人自傳式ê家族史白話字小說，內容ê豐富性ē-sái hō? 咱了解當時信教ê台灣人tī「新」思想kap「舊」傳統之間，所受著ê刺激、影響kap過渡情形以及文化是án-chóa? tī背景ê。 本論文ê重點是欲探討《出死線》所呈現ê時代1885年到1926年這段時期，台灣人民ùi日本接收開始ê武裝抗日到知識份子chhōa領ê非武裝抗日，一般人民án-chóa? tī這種新舊文化互相衝擊kap二元對立ê環境中生活？筆者欲透過hit當時台灣siōng長ê白話字小說《出死線》來分析其中性別、宗教kap醫療這三種新舊文化khiú-la?k、跨越ê情形。其中可能有衝突、競爭、妥協、合作á-sī和平ê交流，這種複雜ê過渡狀況是如何影響台灣人ê生活？而且筆者想欲打破「新」「舊」這種二元對立ê文化論述觀點，hō?眾人看著無仝款ê台灣人真實生活面貌。無仝款ê文化一交插、thàu-lām，所產生ê火星相信ē-sái幫助咱了解19世紀末到20世紀初期台灣人ê生活樣貌。 關鍵字：文化、白話字小說、鄭溪泮、《出死線》 前言 台灣羅馬字ê發展siōng早ē-sái ùi 1624年荷蘭統治台灣南部開始講起。荷蘭人統治台灣teh進行經濟剝削ê同時，也將基督教義傳入台灣。荷蘭人所統治ê所在是平埔「Siraya」族tòa siōng濟ê台南。因為平埔族並無特別ê宗教信仰，而且hit時信仰基督教koh ē-sái得著一kóa好處，所以當時有真濟Siraya族人信仰基督教。荷蘭ê傳教士透過羅馬字書寫系統來記錄kap學習Siraya族ê語言，並用這套拼音系統來傳授基督教義hō?當地人認bat上帝。甚至後來平埔族kap漢人teh簽地契ê時陣，mā使用這套羅馬字來做記錄。不過因為荷蘭人統治台灣ê時間真短，koh加上in傳教ê時陣並無分聖經hō?信徒，kan-ta?用「教理問答書」，這種傳教ê效果tio?h無法度傳達上帝真正ê信仰、真理hō?眾人了解，造成荷蘭人ê傳教失敗。不過，荷蘭人所教育ê羅馬字卻hō?Siraya族繼續使用150 gōa tang（鄭連明，1965:4）。 後來進入鄭成功時期kap清朝統治時期，西方基督教ê宣揚tio?h暫時停止。一直ài到1865年英國長老教會（The Presbyterian Church of England)來台灣拓展傳教事業ê時陣，koh採用白話字來記錄、學習當地語言。這套拼音系統本底是欲hō?外國傳教士學習當地語言來傳播教義--ê，後來soah變成傳教士教育m? bat字ê台灣人民siōng好ê工具。 Tī台灣第一份正式印刷出版ê報紙《台灣府城教會報》頭一期內底，主編兼發行人巴克禮牧師tio?h說明「可惜lín本國ê字真oh，少少人看ē-hiáu--tit。所以góan有設別mi?h ê法度，用白話字來印冊，hō? lín眾人看khah快bat」。巴克禮牧師了解漢字ê歹學、歹讀、歹寫kap歹記，kan-ta?少少人看ē-hiáu，實在m?是利便ê書寫工具。所以巴克禮牧師來台灣無到二年ê時間先tī 1876年創辦「台南神學校」教台灣人認bat白話字，然後koh tī 1885年創辦白話字報紙《台灣府城教會報》，hō?社會大眾ē-sái透過白話字來吸收新知識。教會報中ê新知識內容真闊，除了現代醫療衛生以外，koh有天文地理、科學新知、世界新聞kap童話等。 巴克禮牧師tī 19世紀末開始推sak白話字教育，一直到1920年代白話字ê發展已經行向成熟ê階段，因為án-ne作家chiah ē-sái透過白話字來書寫、創作長篇ê白話字小說。日治時期以來ê白話字小說有以下七本，賴仁聲：《án-niá ê ba?k-sái》（1924）、《Si