喜宴程序四句联.pptVIP

起轎 幸福姻緣天註定 向望入門翁姑疼 嫁入翁門心免驚 勤儉骨力好名聲 轎內坐倚愛端正 期待翁婿有官名 阿母吩咐著愛聽 水潑落地轎起行 出轎 今日轎門兩爿開 金銀財寶一直來 新郎新娘入房內 生囝生孫做秀才 新娘迒(hānn)戶橂 新娘標緻好五官 過門跤骨攑予懸 今夜兩人來做伴 傳子傳孫中狀元 新娘過火爐 新娘過火毋免驚 跤步慢慢到大廳 天生福祿富貴命 拜堂完婚乾坤定 拜堂完婚（一） 一拜天地成夫妻 兩人結髮囝孫濟 男女姻緣天來配 感情永遠無問題 拜堂完婚（二） 二拜高堂敬祖先 雙方鬥陣是姻緣 夫妻和合永不變 妻賢夫貴萬萬年 拜堂完婚（三） 夫妻對拜徛正正 日後牽手來拍拚 良時吉日來合婚 一夜夫妻百世恩 送入洞房 送入洞房入房內 新郎新娘家己來 今夜兩人相意愛 開花結子大發財 開場辭 親情朋友坐規廳， 我來紹介予恁聽， 新郎新娘結親情， 日後一定好名聲。 歡迎辭 這馬喜宴欲開始，親家親姆笑微微，大家大倌真歡喜， 感謝逐家來賀喜。 司儀祝福辭 今我代表主婚人， 歡喜逐家來鬥陣， 兩姓合婚一家親， 祝福這對好婚姻。 親家牽新娘入場 新娘標致人優秀，個性溫純上溫柔。新郎得著好牽手，親情朋友免憂愁。 主婚人致詞 今日正是好日子，新郎新娘結連理，祝福新人大富貴，今年開花隨結子。 新郎掀頭紗 古早人講： 「手牽手，天長地久； 喙拄喙，萬年富貴」 新郎掀頭紗 「翁某若糖甘蜜甜， 兩人牽手出頭天， 闔家平安大趁錢， 囝孫富貴萬萬年」。 宴席開始 豐沛菜色攢便便， 欲予逐家食袂??。 享受佳餚毋通延， 山珍海味賽神仙。 半席新娘入場 新娘生媠若牡丹， 真少這款遮大範， 逐家看著攏稱讚， 入門富貴保平安。 半席新娘入場 新娘美麗閣可愛， 新郎斯文好人才， 好話祝福規船載， 這是姻緣來推排。 點燭誓約、勾手指 兩條蠟燭點光光， 鹹甜苦澀共擔當， 仝出仝入仝拍算， 新人做陣會久長。 新郎新娘送客 最後祝福新郎新娘 「成雙成對， 夫唱婦隨， 萬年富貴」， 新郎新娘送客 祝福各位貴賓， 身體健康，事業成功。 事事如意，年年順利！