大埔腔教育校院组-107年全国语文竞赛.DOC

107年全國語文競賽客家語朗讀文章教育校院學生組（大埔腔） 編號01號 【生活從省儉做起】湛榮源原作 「家無噥噥公，樣樣空；家無噥噥婆，項項無。」這句諺語係老祖宗个智慧。屋家係有一個會噥人个噥噥公也好、噥噥婆也好，屋家斯會收揫都較好勢，麼个東西毋會這放該放，愛用个時節，拿啊著斯有好用，毋使又愛買過新个，這斯係省儉。 吾屋家係三代同堂，吾爹、吾奶八十零歲咧，厥等歸生人都耕田，當少離家出外。??同吾哥、吾姊，輒輒會分阿爹同阿奶噥這、噥該，特別係吾奶還較噥噥，下把下，連阿爸、阿姆都還會分阿奶噥。 自細，吾三姊妹做下係阿爹同阿奶渡大个。到這下，吾等都還記得，細漢時節，搞个東西，搞過若無收揫，跈核斯會分吾奶罵：「若爸、若姆啊，毋得錢了，買分若這兜搞！無愛搞咧也毋收?來，下次擺想著愛搞，尋無，又過嘺 嘺：音kiauˇ 嘺：音kiauˇ；吵鬧糾纏。 這下較大漢咧，正知敗家係麼个意思。在吾三姊妹个心肝肚，吾奶教吾等愛隨手收揫，這個觀念當好，毋過愐毋著，毋係已多錢个東西，仰脣阿奶也講愛省儉？有一擺斯同吾奶詏嘴講：「阿奶，該東西??拈毋著，無愛咧啦，喊吾爸過買過斯好咧啊！」話正講啊撇，死皺咧！好天好時響大雷公咧！吾奶同棚絞起來罵：「恁毋做家啊？該毋係錢買个哦？若爸、若姆日合夜做事，若這兜恁毋知厥等个辛苦，恁敗家。買！買！買！總係知愛買，??同若爹在若太手頭分家到這下，哪項毋係省儉來个？毋盼得食、毋盼得著，斯係愛省起來留分子孫，若這兜嗄毋知好省儉。」 阿爸講：「若奶罵个無毋著，東西跌落地泥下，抑係壁壢角，愛跈核拈起來鬥倒轉去，下次擺愛用也好、愛搞也好，斯本本還係好个，毋使又愛花錢買新个。若奶噥你，係愛若等從細斯愛養成省儉个好習慣，係有省儉个習慣，對你一生人總有較好、無較壞。」 還讀小學時節，同學毋知對哪傳來个齣數，用捽布來鑪桌，將鑪出來个?，刮共下，挼做歸條在該搞。同學招??共樣恁泥搞，??想著阿奶个話，斯毋敢搞，過再看厥等，一垤捽布，鑪無幾久，斯鑪撇咧，又愛買過新个。阿奶个話，永久在吾心肝肚，正經係生活對省儉做起，還愛從細做起，早早斯好養成省儉个生活習慣，將來正使得過安然自在、幸福个生活。 107年全國語文競賽客家語朗讀文章教育校院學生組（大埔腔） 編號02號 【牛】黃士蔚原作 還細時節，上家下屋大體都有畜牛。記得吾這兜總係知好搞該當時，滿叔斯愛負責牽做撇田事个牛，去陂塘搵水。臨暗邊，老人家斯會交代，好去牽牛?來咧。逐擺滿叔坐在洗好身个牛背頂，定定行轉去牛欄，??斯頭望望等佢，看肯分??跋上去坐一站無。毋知係??忒細漢，抑係細妹人使毋得坐，直直到屋家个牛賣撇，牛欄都拆撇咧，??還吂識坐過牛。 實在講坐毋坐得著牛，毋係盡要緊个事，主要??係想同佢搞。打早佢斯分阿爹，無斯叔公牽去田項做事，轉來歸身做下泥，大人毋會分??凴偎，盡多斯在餵佢食草該時節，??使得企在脣項??手逐烏蠅。看佢做歸日事，正想愛樹下歇睏下，烏蠅斯跈上跈下，密密拑佢。看著已毋盼得。逐擺??都會愐講，做麼个你愛做牛諾？恁衰過！ 當晝頭，日頭當烈該下，所有叔伯阿公个牛斯會牽去陂塘肚浸浴 浸浴：音zimˋ rhogˋ；泡水。。成半下??無聽大人个番咐睡當晝，斯會偷偷走去屋背个陂塘脣，看該兜牛。有兜牛無法度歸身浸著水，背囊燥都像會必開个樣。??斯會跍落來，用手捧水 捧水：音bung^ shui^；用雙手捧取水。，戽到厥背囊項，分佢較涼兜。毋知係牛皮忒賁，抑係水戽忒少，??戽幾下到，厥等像無感覺个樣。一半下大大粒个牛目珠?? 浸浴：音zimˋ rhogˋ；泡水。 捧水：音bung^ shui^；用雙手捧取水。 桊牛鼻桊：音kienˋ ngiuˇ piˋ kienˋ；穿牛鼻環。 還記得有一擺三叔公个牛毋知起麼个性體，犁田犁到半爛燦嗄毋肯停動。三叔公用牛拂 牛拂：音ngiuˇ fidˋ；抽打牛的鞭子。仰脣擊都無效，打也打咧，罵也罵咧。性體乜毋好个叔公盡尾聽講係用嘴去咬牛鼻公，佢正慢慢徙位。當晝牽轉陂塘浸水个時節，已多細人走去看這隻分主人咬鼻公个牛。有兜單淨係看鬧熱，有兜想愛研究牛鼻公有出血無？有兜斯想愛看牛會噭無？看佢有流目汁無？一大陣細人陂塘脣圍密密 圍密密：音vui 牛拂：音ngiuˇ fidˋ；抽打牛的鞭子。 圍密密：音vuiˇ mi+ mi+；團團圍住。 無幾久三叔公好恬恬嗄橫落去，無交代半句話斯過身。毋知厥牛係毋係早斯胚想著主人堪毋得過做田事，毋係佢在該推懶，驚怕係望主人愛顧好身體，可惜佢毋會講話，嗄分人講牛性體个主人咬鼻公，到底麼人个性體較牛呢？ 107年全國語文競賽客家語朗讀文章教育校院學生組（大埔腔） 編號03號 【葵扇】張美容原作 「禎伯姆當好意，今年又送兩支葵扇來，你愛無？擎支轉去。」天時冷咧，阿姆問??，自家斯像收麼个寶貝个樣，同葵扇抺都淨淨，用塑膠絡張起來。 「