海陆腔-107年全国语文竞赛.docVIP

107年全國語文競賽客家語朗讀文章教育校院學生組（海陸腔） 編號01號 【生活從省儉做起】湛榮源原作 「家無噥噥公，樣樣空；家無噥噥婆，項項無。」這句諺語係老祖宗个智慧。屋下係有一個會噥人个噥噥公也好、噥噥婆也好，屋下就撿揫到較好著，麼个東西毋會這放該放，愛用時節，拿啊著就有好用，毋使又愛買過新个，這就係省儉。 ??屋下係三代同堂，??公摎??婆八十零歲咧，佢兜歸生人就係耕田，當少離開屋下。??摎??哥、??姐，逐擺就分??公摎??婆噥這、噥該，尤其係??婆還較噥噥，下把，連??爸、??姆就還會分??婆噥。 從細，??三姊妹就係??公摎??婆渡大个。到這下，??兜都還記得，還細時節，搞个東西，搞過忒係無收揫，跈等就會分??婆罵：「若爸、若姆啊，毋得錢忒，買分你這兜搞！無愛搞咧乜毋收起來，下二擺想著愛搞，尋無，又再過嘺 嘺：音kiau；吵鬧糾纏。 嘺：音kiau；吵鬧糾纏。 這下較大咧，正知敗家係麼个意思。在??三姊妹个頭那肚，??婆教??兜愛隨手撿揫，這隻觀念斯當好，就係想毋著，毋係幾多錢个東西，仰會??婆乜講愛省儉？有一擺就摎??婆詏起來講︰「阿婆，該東西??拈毋著咧，無愛咧啦，喊??爸買過就好咧！」??个話正講啊忒，壞蹄咧！好天好時響大雷公咧！??婆摎棚仔絞起來罵：「恁毋做家啊？該毋係錢買个哦？若爸、若姆日合夜做事，你這兜恁毋知佢兜个辛苦、恁敗家。買！買！買！總係知愛買，??摎若公在若太手頭分家到這下，哪項毋係省儉來个？！毋盼得食，毋盼得著，就係愛省起來留分子孫，你這兜嗄毋知好省儉。」 ??爸講：「若婆罵个無毋著，東西跌落地泥下，也係壁角肚，愛隨手拈起來鬥倒轉去，下二擺愛用也好、愛搞也好，就本本係好好，毋使又愛買過新个。若婆噥你，係愛你這兜從細就養成省儉个好習慣，係有養成著省儉个習慣，對你一生人總有較好、無較壞。」 還讀小學時節，同學毋知在哪位傳來个，用捽仔來鑪桌仔，摎鑪出來个?刮共下，挼到歸條在該搞。同學喊??共樣恁樣搞，??想著??婆个話，就毋敢搞，再過看佢兜，一垤捽仔，鑪無幾久，就鑪忒咧，又愛買過咧。??婆个話，永遠在??个心肝肚，正經係生活從省儉做起，還愛從細做起，早早就好養成省儉个生活習慣，將來正做得過安然自在、幸福个生活。 107年全國語文競賽客家語朗讀文章教育校院學生組（海陸腔） 編號02號 【牛】黃士蔚原作 還細个時節，上家下屋大體就有畜牛。記得??兜總係知好搞該量時，滿叔就愛負責牽做忒田事个牛，去陂塘搵水。臨暗邊仔，老人家就會交代好去牽牛?起來咧。逐擺滿叔騎在洗好身个牛背頂，定定仔行轉去牛欄，??就目勾勾仔 目勾勾仔：音mugˋ gieuˋ 目勾勾仔：音mugˋ gieuˋ gieuˋ er；望眼欲穿的樣子。 其實有騎著牛無，毋係盡要緊个事情，??主要係想愛摎佢搞。打早佢就分阿公，抑係叔公牽去田町做事，轉來歸身就係泥，大人毋會分??凴兼，最多就係分佢食草个時節，??做得在脣頭??手撥烏蠅。看佢做歸日事，正愛樹下尞一下，烏蠅就跈上跈下，密密拑佢。看著盡毋盼得。逐擺??就會想，做麼个你愛做牛？恁衰過！ 當晝頭，日頭當烈該下，所有叔伯阿公个牛就會牽去陂塘肚浸等。成時??無聽大人个話睡當晝，斯會偷偷走去屋後背个陂塘脣，看該兜牛。有兜牛無法度全身浸著水，背囊燥到像會必忒樣。??就會跍下來，用手捧水戽到佢个背囊，分佢較涼兜。可能牛皮忒賁，也可能水忒少，??潑幾下到，佢兜像無麼个感覺。有時大大粒个牛目珠眨啊眨仔，毋知佢在該愐麼个。??逐擺就會想，佢兜生到恁大條，鼻空還分人用桊仔桊等，索仔牽去哪就乖乖跈等，仰會恁聽話？鼻空串等桊仔敢毋會痛？田事敢做毋會懶？也係驚該條牛拂仔？ 還記得，有一擺三叔公个牛毋知發麼个脾氣，犁田犁到半爛燦嗄毋肯停動。三叔公仰般用牛拂仔拂佢就無用，打也打咧，罵也罵咧。脾氣乜毋好个叔公最尾聽講係用嘴咬牛鼻空，佢正慢慢仔徙步。當晝牽轉陂塘浸水个時節，盡多細人仔走去看這條分主人咬鼻空个牛。有兜單單係看鬧熱，有兜想愛研究牛鼻空有出血無？有兜想愛看牛會噭無？看佢有流目汁無？一大群細人仔陂塘脣圍塞塞，等大人喊食晝正散忒，伸??一儕，??遽遽行較兼問佢，你做麼个毋聽話？仰做得惹主人發閼？你知得三叔公脾氣盡大，佢在屋下，識因為細人仔毋好好食飯，吵吵鬧鬧，嗄摎歸桌飯菜覂淨淨，大家就毋使食。你仰惹佢得？也係你做悿咧，毋曉得講？ 無幾久三叔公好恬恬嗄橫落去，無交代半句話就過身。毋知佢个牛係毋係早就胚著主人毋堪得再過做田事，毋係佢在該推懶，敢怕係望主人愛顧好身體，可惜佢毋會講話，嗄分人講牛脾氣个主人咬牛鼻空，到底麼儕个脾氣較牛呢？ 107年全國語文競賽客家語朗讀文章教育校院學生組（海陸腔） 編號03號 【葵扇】張美容原作 ??「禎伯姆當好意，今年又送兩支葵扇 葵扇：音kui/ki shanˇ；用蒲葵製成的扇子。來，你愛