台語語音特色kap 拼音文字化.pptVIP

台語語音特色 kap 拼音文字化 --整合一套理想ê台語音素文字 壹. 序言 一個好ê音標應該是標音值ê （phonetic） 若是好ê拼音文字應該是標音素(phonemic) 無管做音標抑是做文字lóng應該將該語言ê語音特色呈現出來  貳. 行向音素/音位文字 （phonemic orthography）ê 理論 音值標記法 標記實際上發出來ê 聲音，實際上聽著ê聲音 1.分嚴式標記法 (narrow transcription)  ph??n 2. 寬式標記法 (broad transcription) ph?n 音素標記法 kan-na 標記講 hit 個語言ê 人腦內底所存在ê，有分辨意義ê (meaningful) ê 本形 (citation forms)  p?n 音素標記法加真簡單 若是因為語音環境ê 關係，致使產生音變，若是音素標記法就猶原標原來ê 音素，無標音變了後ê 音值，不過若是音值標記法就會標音變以後ê 音值。譬如講，/ts/ 這個音素，後壁若是接非低母音 [-low]，抑就是後壁若是 i 抑是 ?，就會產生顎化ê 現象 (palatalization)。華語ê 注音符號，就k? in分別寫做ㄗ kap ㄐ；這就是音值標記法。其實ㄗ kap ㄐ 是仝一個子音ê音素，台羅、TLPA kap 通用一律寫做仝款ê符號，按呢就是音素標記法。音素標記因為kan-na 標音素t?h好，免管音變，免管方言差，符號會減真少，加真簡單，koh 會khah 容易完成語言書寫ê標準化。 若beh做音標，應該是嚴式ê 標記方式上適當，因為會tàng k? 語音記錄上清楚，所以應該是國際音標 (IPA) 上適當。不過，嚴式標記法上過複雜，對學生來講負擔siuN重。所以若是用寬式ê IPA 來紀錄應該t?h會使。台羅、TLPA、通用這三套方案，lóng使用世界通用ê 羅馬字母，lóng是真寬真鬆ê標記法， 其實lóng khah 倚音素文字ah，lóng是行向音素文字ê 標記法 好ê拼音文字？ 三個文字原則 (波蘭語言學家 Baudouin de Courtenay, 1871) 1.反映字詞ê發音 (phonetic) 2.反映字詞ê字源 (etymological) 3.反映歷史傳統 (traditional) 雖然講文字ê書寫是有伊家己ê自主性（ autonomous），koh 是相當人工ê (artificial), 不過，若是siun過頭注重第二、第三原則，結果就會害學生無法度忍受，koh 會有精神受傷ê負擔，親像英語按呢。 若是khah 注重第一個原則，koh 使用音素標記法，情形t?h 會改善真濟，親像 Finnish, Estonian 以及其他ê音素文字。 好ê書寫文字應該符合這二個原則 1.透明化 (transparency)：文字應該真容易兌換做音素，字形到意思之間應該真直接 2.容易學習 (learnability)：拼寫規則kap發音應該簡單，而且koh 真一般tek (general) 為何真濟文字 lóng是音素基礎ê文字 因為一個語言ê音素比伊ê詞素（抑是講音節如漢字）少真濟，所以使用音素做基本單位比其他複雜ê標示方式加真適當  ? 使用音素標記比使用音值標記會加真一致, m? 對書寫ê標準化加真有幫贊 一個音素，所發出來ê 音值各地會有方言差，甚至m? 會有個人差，文字使用仝一個音素標記，才隨人講隨人ê音值，按呢khah會tàng標準化 參. ?? 台語ê音素系統 (The phoneme inventory) 一個語言ê 音素系統 ，就是講hit ê 語言ê人腦中存在ê 子音kap母音。音素是生落來就存在t? hit 個母語人ê腦中ê (innate)，這就是按怎咱學第二語ê時，咱ê母語無ê音素學lóng無路來，因為咱ê腦中無hit ê 音素 台語ê 母音音素 母音 台語ê 母音一般lóng講有六個，就是 /a/，/i/，/e/，/u/，/o/，kap /?/。 按呢算是無k?鼻母音 (nasal vowels) 當做音素。台語ê鼻母音lóng是有辨意ê (meaningful)，是有語言作用ê ，? 是因為發音環境產生來ê鼻化 (nazalization)。所以in應該lóng是本底存在母語人ê 腦中ê音素。