伯裘书院60周年校庆音乐剧 《青春晴朗勿语》 遴选需知： ﹣选定希望 .docVIP

伯裘書院60周年校慶音樂劇 《青春晴朗勿語》 遴選需知： ﹣選定希望遴選「角色」並根據相關「劇本片段」準備遴選 ﹣準備一首歌（有伴奏音樂為佳） ﹣穿著體育服作舞蹈環節之用 角色簡介 角色 性別 簡介 劇本片段 Frankie（葉晴） 女 倔強、高傲、完美主義者，自覺初中放縱太久，不能面對失敗所以拒距留班，毅然向舞蹈發展。幼時不理解母親的抑鬱症，而父親的放手，適得其反，令Frankie得不足夠的愛和重視。 片段三 Oliver 女 Frankie母 較年青時不能處理產後抑鬱症，到她醒覺要與女兒修補關係，過份賣力，帶點控制狂。 片段二 片段三 葉志就 男 Frankie父 樂天，不拘小節，在工作上崩得緊，所以在家中刻意放任女兒，希望她們有自由，行出自己的路。 片段二 片段三 James（蔡天佑） 男 Rock友，典型憤世疾俗，其實流於表面，藉音樂找到自己，但對生活同自我仍暸解不深。做事有併勁，不易放棄。 片段五 蔡耀興 男 James父 傳統大男入，有自己的原則和信念。其子的併勁是來自他的蠻勁。 片段四 片段五 邱勝男 女 老師 “offbeat”“跳tone”的喜劇性格，弧兒出身，渴望得到缺小的愛，比一般人有超脫的想法，非凡的毅力，以一股大無畏的傻勁去當好老師。 片段一 陳子安 男 PE老師。 冷眼旁觀，洞悉世情，帶點淡然的幽默感 片段一 童年Frankie 女 渴望被重視和愛，希望一家入必定要開開心心，見到其完美主義者的性格雛形 片段二 童年James 男 以父親為英雄，在父親身上學到男子漢的決心和勇氣 片段四 片段一 人物： 陳子安（安），老師 邱勝男（男），老師 安： 同事！...同事！...同事！ 男： （醒過來）吓？...咩事呀？ 安： 我見你定格咗成3、4分鐘，念念有詞手舞足蹈咁，仲越行越出，你無嘢呀嘛？！ 男： 無！我成日都係咁！我份人好鍾意幻想，一諗嘢就時間停頓咁嫁啦！......（望望其他人，暗嘆）點解返親學都要愁雲慘霧咁！ （一靜） 安： 九月一號就咁大雨，凶兆！呢個學年一定好難捱！ 男： 南蠻？你指我哋南方人？ 安： 難捱呀！ 男： 岩慚？你講我d牙？ 安： 我話難捱呀！ 男： 藍牙？你想聽歌？ 安： （大聲）我話今個學年好難捱呀！ 男： 啊！...難捱！...事在人為姐！呀係，你係？ 安： 陳（音：疹）Sir！ 男： 你唔係！ 安： 我唔係？ 男： 你唔係“疹”sir！ 安： 我唔係“疹”sir？咁科幻嘅，點解我唔係“疹”sir？ 男： 你貴姓？ 安： 小姓陳！ 男： 咁你咪唔係疹sir囉！ 安： 我姓陳都唔係疹sir？ 男： 拿！謎底已經解開！...“疹”係一種病，例如話濕疹或者皰疹，如果有人用“疹”作為一個姓氏，咁中國人真係有病！...所以！你唔係疹sir，你係陳sir！ 安： 唔怪得我迷失咗咁多年，多謝指正！未請教！ 男： 我係男老師！ 安： 你係男老師？ 男： 我係男老師！ 安： 你真係男老師？ 男： 我真係男老師！ （其他人起哄） 同學A： 哇！呢個阿sir着裙喎！ B： 阿sir你係咪泰國人？！ C： .......落大雨嘅九月一號！...濕到透嘅校服！...再加上一個着裙嘅阿sir！...我...我...我提議今日一齊轉校！有無人和議？！ 男： 各位同學冷靜d！小女子叫做邱勝男，我係百分百嘅女人！由我做實習開始，d學生都叫我做“男老師”，我覺得好搞笑又好親切，所以我都希望大家叫我做“男老師”！ 安： 男老師你好！同你傾咗一陣計，我有一種...一種想快d放工嘅感覺！ 男： 唔好意思！可能我自小有讀寫障礙，我對文字同語言嘅感覺同人好唔同！甚至我嘅生活態度、思想、價值觀、生存嘅哲學都有我自己嘅Style！ 安： 試舉例及說明之！  片段二 人物： 童年Frankie（童年Frankie） Oliver（Oliver），Frankie母 葉志就（志就），Frankie父 （Frankie的童年往事，一家三口在放風箏。） （這一段見到Frankie母親（Oliver）有產後抑鬱症，鬱鬱寡歡，父親（葉志就）想與女兒逗她開心） 童年Frankie： 爸爸，點解濕地公園個地下唔濕嘅？ 志就： 名同真實多數都唔同嫁啦！ 童年Frankie： 咁咪姐係呃人！ 志就： 名不符實呀嘛，全世界都係咁嫁啦！ 童年Frankie： 唔怪得嘉湖山莊又無山莊又無湖啦！李嘉誠呃人嘅！ 志就： （向Oliver）你睇個女把口！ 童年Frankie： 其實爸爸都呃人啦！ 志就： 吓？我幾時呃人呀？ 童年Frankie： 你個爸字係父字下面做個巴字呀嘛！咁你係警察，又唔係揸巴士，仲