闽语朗读范例 - 中华国小.docVIP

閩語朗讀範例 1.大家新婦 林美麗 護士建議先倩二四點鐘的特別護士來共伊顧，因為病人猶無法度家己食物件，親像洗盪、揉身軀、掠龍、拍痰、換尿苴仔，攏是真專業的工課。兩個月了後，俊生仔in兩兄弟仔參詳過矣，看老母是欲送去安養院予專門的人來照顧，抑是欲予序大人輪伙鬮俊明仔干焦知影趁錢，伊掠準病人精神就是好矣，無去想著老母這馬是佇嚨喉切一个个 假使講人生親像舞台，我向望家己是一.笑詼劇的丑仔，會當共快樂帶予別人，嘛會當共歡喜囥佇心內；假使講人生是一本冊，我向望家己是一本內容精彩的故事冊，逐家看了會想欲閣看。 阮兜的囡仔真濟，阿爸干焦是一.小小的公務人員，逐個月的月俸無法度通飼遐濟支喙。阿爸下班了後，就去巷仔口排擔仔──削甘蔗、破西瓜，加減仔趁錢；阿母嘛佇厝跤邊飼雞仔、鴨仔佮豬仔；阿姊透早就去市場，抾菜葉仔轉來飼雞仔、鴨仔。雖然阮規家伙仔攏誠無閒，毋過嘛過甲誠快活。 阮兜出去就是嘉義上蓋有名的林森路，有一.杉仔行的頭家來阮兜行幾若擺，伊共阮爸母講：「恁兜囡仔傷濟，阿梅也誠有我的緣，若予我做囝，我會好好仔共伊栽培，阮細漢的時，阿爸為著阮這陣囡仔，逐工做甲活欲忝死，毋過，伊上大的娛樂就是聽『la-ji-ooh』、看布袋戲。彼陣我誠愛讀冊，所以阿爸上疼我。伊攏會..阮去看布袋戲，史艷文、藏鏡人……遮的人，予阮囡仔時陣的日子過甲誠心適。逐暗規家伙仔攏去睏矣，阿爸就提『la-ji-ooh』去柴間仔聽。我會隨綴過去共阿爸司奶，佮阿爸做伙聽劉備三請孔明、孫臏1鬥龐涓2……攏是阿爸上愛聽的戲齣。 阮大漢的時，踏入社會食頭路囉！有一工落雨，一.幔雨幔的菁仔欉，青磅白磅走入來辦公室，阮誠受氣共伊講：「毋管你有啥物代誌，先出去共雨幔褪落來才閣講。」 後來，這.人定定來阮公司，伊生做懸懸仔閣大箍大箍，毋但誠愛講笑，有當時仔嘛會挈物仔來予阮食。有一擺歇睏日，伊..阮去山頂...，閣紮阮上愛食的葡萄。伊毋但共葡萄洗甲誠清氣，閣共葡萄拭甲誠焦才予阮食，實在足感心的。到山頂的時，伊沿路行沿路呼噓仔，阮沿路行沿路抾楓仔葉，規路那講那笑，予阮規工攏誠快樂。 1孫臏(Sun P.n) 2龐涓(Pang Kuan) 3.前世緣 胡璿蕙 前一站仔發生佇東石鄉，大家侵門踏戶走去新婦外家拍傷新婦的代誌，予我感受足深。較早大家虐待、苦毒新婦的代誌定定聽著。佇這馬二十一世紀，大家佮新婦的問題雖然有較少矣，毋過就親像熱天的蠓仔永遠都袂消失仝款。阮阿媽佮阿母的關係一直無好。我定定聽阿媽講伊嫁來胡家有偌爾辛苦。逐工透早四、五點的時陣，伊就愛起來煮早頓予大家官食。 這馬阿母會當睏甲六點，已經足好矣。毋過阿母煞認為較早每一个新婦攏是按呢，並毋是阿媽一个人按呢爾爾。這馬有真濟新婦睏到七、八點嘛無要緊，阿媽實在「老古板」，綴袂著時代矣。阿媽愛揣人開講，但是阿母的個性較閉思，無愛講話，所以阿母定定共厝內款好就佇房間內做家的代誌。因為按呢，阿媽認為阿母是討厭伊，刁工欲佮伊作對。阿母佮阿媽袂合，阮阿爸是足頭疼的。原本掠準講過一站仔的關係就會變好矣，毋過二十幾年過去，阿媽佮阿母猶是按呢。最後阮規家伙仔只好搬出去，共這兩.人分開，才是上好的辦法。毋過我個人猶是認為分開蹛，只是閃避問題，問題猶是無法度解決。 若講一.查某人這世人會當佮家己心愛的人結婚是前世人的緣分，大家新婦，無定著仝款是前世緣。既然按呢，我認為大家佮新婦應該愛會曉「將心比心」去體諒佮尊重對方。人佇咧講：家和萬事興。」咱何必為著一寡小可仔代，觸來觸去，互相計較，抑是拆破面咧？逐家攏是一家伙仔，將來欲鬥陣的日子猶閣足長的，實在是無應該吵吵鬧鬧。因為阿媽佮阿母的關係，害阮一家伙仔煞強欲拆散去，我感覺真艱苦，嘛感覺實在是無彩天公伯仔送予遮爾好的緣份。 我捌佇報紙的副刊看著一篇文章，寫一个新婦拄拄仔嫁過去的時陣，大家掠準伊嫁入來是想欲搶伊的囝。這个新婦為著欲改變大家這款看法，受盡委屈。毋過伊定定關心大家，陪伊開講，共伊當做是家己的老母咧對待。落尾大家予伊感動，嘛真歡喜有一.遐爾仔有孝的新婦陪伴佇伊的身軀邊，這.大家嘛共新婦當做家己的查某囝仝款來疼惜。 4.烏龍海邊釣蟳仔 尤碧豔 頂禮拜日透早我就共細漢囝森博挖起來，對七點開始咻，咻到八點，伊才目睭盻1盻，毋情毋願，那洗喙那喃，講我是緊張大仙，九點欲集合，未曾未就嚓嚓趒，害伊睏無飽。總是.靠蝦做目，無伊駛車，我就無法度...。 阮九點準時到烏龍國小，看著仲元兄佇咧食『sa.n-to-it-tsih)』，伊那食那和我答喙鼓，麗華佇邊仔笑咧笑咧。這.時陣春芬佮淑和同齊到位，春芬講話大嚨喉空 兼比手畫刀，伊一下加入戰場，隨就鬧熱滾滾。 過一下仔麗秀嘛來矣，伊規軀水紅仔色的衫，連