自住讲能力投资睇回报贪低息买楼唔化算.docVIP

醒你八招 用買樓法炒股 炒股同買樓係兩回事﹐偏偏網友靈波動話﹐炒股同買樓一樣﹐只要用買樓嘅方法嚟炒股﹐就會輸少贏多。 方法一：問淮老婆 買樓咁大件事﹐你會先問吓老婆意見﹐達成一致意見先敢扑鎚。炒股亦要得到老婆批準﹐唔係嘅話﹐賺咗都仲好啲﹐輸左就大件事﹐輕則鬧到你狗血淋頭﹐重則離婚都有之。 方法二：趁低吸納 最住買機時機﹐當然係樓市低迷時﹐價廉物美﹐地產代理見到你都好招呼啲。炒股都要喺熊市時掃貨﹐人棄我取﹐先可以執平貨。 方法三：唔熟唔炒 買樓你會考慮周圍嘅環境﹐近唔近返工、仔女返學方唔方便？炒股時最好搵你熟悉行業嘅股票嚟炒﹐唔識嘅冇謂博啦！ 方法四：千祈咪借 買樓要量力而為﹐炒股何嘗唔係﹐千祈唔好借錢去炒﹐一個唔覺意﹐股票狂瀉就好麻煩﹐唔理炒樓炒股﹐都係用閒錢嚟買比較好。 方法五：小心謹慎 買樓你會好小心﹐諗過度過至買﹐周圍格價﹐仲要貨比三家﹐聽吓人哋意見。買股票同樣要過三關﹐小心、小心再小心﹐謹慎、謹慎再謹慎﹐買咗就唔好後悔。 方法六：莫揀爛貨 買樓重質量﹐你永遠唔會揀間危樓嚟買。同樣道理﹐唔好買垃圾股﹐呢啲股唔係人人都啱胃口。 方法七：耍有耐性 買樓要等五、六年先有可能升一倍﹐所以要有耐性。炒股同樓要有耐性﹐唔好成日諗住一夜發達。 方法八：正面看待 買新樓係開心事﹐唔會成日諗住要還按揭咁掃興。買新股亦希望佢升﹐唔好成日諗住有可能會跌﹐搞到食唔安、瞓唔著﹐影響工作﹐股票只係人生一小部份。 自住講能力 投資睇回報 貪低息買樓唔化算本港銀行自去年9月起多次跟隨美國減息，銀行存款利率跌至低水平，實際按揭利率更降至2.5厘，在低息及高通脹環境下，不少人認為買樓自住或收租投資是唔錯選擇，不過三位CFPcm認可財務策劃師對買樓自住或投資有不同意見，究竟專家點睇這個近期熱門的投資話題？理財版請來三位理財專家就應否買樓討論，三位除了擁有CFPcm認可財務策劃師專業資格外，並各自在其投資領域上有豐富經驗。今次就現市況下應否買樓自住或投資作全面探討，並各自分享自己過去買樓經驗及心得。切忌為買樓而買樓樓市過去幾年穩步上升，去年下半年升勢尤其顯著，大家考慮買樓的誘因離不開低息、高通脹、租金不斷上升幾個主要原因，經常聽到地產代理話「供平過租」，討論亦以買樓自住打開話匣子。三位理財專家對於買樓自住意見相當一致，認為住屋是生活基本需要，只要負擔能力足夠，買樓自住其實可以考慮。買樓是個人生活方式的決定，長遠而言，居有其所，尤其打算在香港退休，更見其需要性，不過上車之前，要因應整體狀況來考慮，例如自己的收支情況，資產分配及風險分佈等。利順興指出，置業作為某個階段的人生目標，這個想法是無可厚非，但緊記要切合自己的經濟能力，如每月的可用入息，不要把目標定得太高，量力而為，更不要為買樓而買樓，勉強上車。低息、高通脹及租貴過供的環境下，買樓自住似乎是可以考慮，不過從宏觀角度來看，現在經濟只是處於某個周期，今日雖然息低，但低息環境總有結束時候，就算現在負擔得起，都要考慮加息因素以及自己長遠供款能力。考慮長遠供樓能力不少剛出來工作的大學生，月入可能只有萬多元，希望自置安樂窩，以每月入息13000元的年輕人為例，買200萬元物業及支付三成首期，按現時息率及25年還款期計，每月供款6281元，佔收入少於一半，一旦按息升至5厘，每月供款將增至8184元，佔收入超過六成。三位理財專家皆認為年輕人有訂買樓目標是好事，但一定要睇自己能力，透過投資及儲蓄增加財政實力，不要急於為買樓而買樓，容易令自己出現財政困難。成本高投資唔方便置業之前有甚麼考慮唔止要計數，最重要係預先搵樓，急住買一定買貴樓，所以就算未計岩數都可以一路睇樓，咁做唔會買貴樓之餘，兼有機會遇到筍盤，買平樓。以方便、舒適為大前提，升值潛力反而係其次，有能力及合心水就買。買樓自住覺得都係方便自己較重要，現時每日返工車程要成半個鐘以上，考慮緊換樓搬到較近工作地點，其次先係升值潛力。就算物業用黎自住，升值潛力始終最重要，要考慮埋未來換樓需要，見到層樓升值住得都開心d，早d起身返工都無乜所謂，而且有升值潛力既樓，質素及配套都會較佳，交通方便程度唔會點差。買樓收租是否好投資中國人傳統思想都認為買物業投資較為實在，而且值租既物業最終反映係升值潛力，只要收租回報吸引，物業又有升值潛力，投資物業都係唔錯選擇。買樓套現能力差物業並非理想既投資工具。投資既大原則係分散投資，要夠靈活，而物業套現能力差，若要套現部份資金，你總不能只賣個bathroom（浴室）。如果要投資物業亦有其他途徑，例如考慮物業基金、地產股，物業市道好一樣升值，投資組合有不同物業及國家，可以有效分散風險。投資者要注意，買樓收租好多時都要借按揭，實際上投資有槓桿效應，買樓收租大部份都係業餘物業投資者，當中又涉及議價、收租風險、法律等問題，仲要遇岩一個誠實既地產經紀。從投資者