曹仁超投资精华精选.doc

曹仁超投资精华 人称「曹Sir」的专栏作家曹仁超，纵横财经界近40年，多年来投资，输过赢过，领悟出赚钱窍门是买趋势、不投机，他深信：「任何市况总有投资机会，如何捕捉，在乎你有冇做足功课，同埋够唔够醒目，唔好埋怨市太贵冇好嘢买，或是跌市累你损手。」　　投资唔系游戏，你必须制定计划，按计划行事，一旦达到目的便获利回吐。如你连自己嘅性格都唔了解，或买乜嘢都唔知道，只靠打电话问功课，呢种投资者迟早输钱离场。不要向自己说谎，睇错市便止蚀离场，停留愈久亏损愈大。不要让小错变成大错，不要用「好钱」去支持「坏咗嘅投资」。有怀疑揸现金！不要希望明天会更好，因为明天只系另一个今天。先做好功课，然后决定买卖，错咗便止蚀离场，再计划另一项投资。至于分散投资系必需嘅，但项目最好只系三个，最多五个(除非你有一队人帮你)。普通人好难兼顾五个以上项目，每个项目投资最好唔超过全部资金20％，先卖掉出现亏损者，不应先卖有钱赚者；蚀本应快卖，赚钱便慢慢等。唔好投资负债过重嘅公司，公司负债过重理由有二：一、董事局过分进取；二、董事局睇错市，前者危险，后者更加唔值得投资。如你做唔到上述要求，请改为买基金让别人代劳。　　万物皆有时难逃盛衰循环　　许多人以为未来系过去的延续，而忘记东方民族智慧系「万物皆有时，任何事物皆逃不过盛衰循环」。　　三脚猫功夫唔好挑战李小龙　　衍生工具的吸引力系如果睇重可获利200％、500％