顺天国中讲义104.docVIP

台中市順天國民中學閩南語社團講義 張逸嫻老師個人資料檔案 e-mail： iathan5@.tw 經歷： *鹿峰、大甲、文昌、順天、華龍、沙鹿等國小閩南語教師 * 外埔國中、順天國中閩南語社團教師 * 苗栗縣社區大學102年度[作伙講閩南語]講師 * 嘉陽高級中學102年、103年度國文科教師 * 100年大甲中央扶輪社臺語演講比賽評審 * 102年~104年三好運動兒童說故事比賽評審 * 102年、103年度台中市母語日閩南語講古比賽評審 * 103年度臺中市本土語言（閩南語）認證衝刺班講師 * 100年~104年教育部閩南語能力認證考試閱卷委員 現任： 海墘、永安、三光國小台語教師 嘉陽高中國文教師 證照 : *教育部國民中小學鄉土語言(閩南語)教學支援人員檢核及格證書 *教育部臺灣閩南語語言能力認證(專業級)99年度 *華語導遊人員證書、華語領隊人員證書(98年) 著作： 散文「思念火金蛄」獲選103年度全國語文競賽國中組閩南語朗讀文章 散文「洗手保健康」、「豆花雞母的一岫卵」、「燒酒落喉，人全齣頭」 獲選104年度全國語文競賽閩南語朗讀文章。 目次 張逸嫻老師個人資料檔案--------------------------1 目次------------------------------------------2 朗讀散文欣賞----------------------------------------3 鄉土唸謠欣賞------------------------------------------- 7 歌謠欣賞---------------------------------------9 古詩新作古詩吟唱-------------------------------12 笑話欣賞------------------------------------ 13 口說藝術-推銷大王------------------------16 從台灣諺語看台灣歷史 為人處事的經驗累積與智慧結晶--俗語----------20 趣味的孽仔話--------------------------------21 臆謎猜---------------------------------------22 認識台語羅馬音標 散文欣賞1 思念火金蛄 張逸嫻 每一个人佇一生當中，攏有家己難忘的記持。這件代誌可能是歡喜、受氣、悲傷、艱苦、感動……等等各種的心情。佇我的記持中，予我上難忘的代誌，就是舊年，阮規家伙仔，參加一个叫做「走揣火金蛄」的活動。 我對火金蛄會佇烏暗中發光，尾溜爍咧爍咧感覺足好奇。知影有這个活動，我就抱著真歡喜的心情，期待佮火金蛄第一擺的相會。 四月油桐花當咧大開，所以遊客足濟。這陣日時有白色浪漫的油桐花通好欣賞，暗時閣會使佇火金蛄的「閃爍樹林」，觀賞完全無仝款的景致。這个時陣來遮，會使講「一空掠雙隻」，趁著矣！ 因為交通真利便，這工阮食飽晝才對大甲出發，差不多一點鐘就到東勢。欲到位的時，遠遠就看著規大片白色的油桐花。 一到位阮就沿路行，沿路看油桐花若像咧落雪，落甲規塗跤攏是油桐花。我佮小妹攏感覺油桐花真媠，真毋甘共踏著，阮就彎來斡去，跳來跳去，親像咧跳舞仝款，實在有夠心適。 天欲暗進前，阮趕緊食暗。因為愛冗早來去樹林，等下昏暗的主角「火金蛄」！解說人員那行那共阮解說：每冬的四、五月是火金蛄開始飛出來活動的季節。公的佮母的火金蛄攏會發光，猶毋過母的的光度較無遐光。無仝款的火金蛄，爍咧爍咧的節奏嘛無仝款，按呢佇暗眠摸的草仔埔，就知影互相的身份。佇暗暝飛出來爍咧爍咧的大部份是公的，母的就歇佇葉仔頂，發出較無遐光的訊號；若是公的發現仝種的母的所發出來的訊號，就會飛過去。 阮順溝仔墘行，四箍輾轉的火金蛄，有的遠，有的近，飛來飛去，閃閃爍爍，親像跳舞的鼓仔燈仝款，浮浮沉沉。我心內真憢疑，人講的燁燁爍，敢是按呢？這時陣，目一??，雄雄千千萬萬的火金蛄，浮出來佇阮的目睭前，予人想袂到，予人掣一趒，遮爾予人歡喜，遮爾予人感動！我的目睭毋知當時煞澹糊糊。真好運，真幸福，看著這个場面，感覺就像咧眠夢仝款。 又閣是火金蛄颺颺飛的季節，這場盛會，今年我欲哪會使綴無著陣咧！ 103 年度全國語文競賽-閩南語朗讀文章（國中組） 散文欣賞2 豆花雞母的一岫卵