梨园寮车站泰兴岩.pdfVIP

第一組 梨園寮車站 泰興巖 嘟～～起恰起恰～～嘟嘟～～起恰起恰～～各位來賓，請問恁敢 有聽到火車聲？「梨園寮」較早叫作「奶寮」，是上港有名聲，下港有 出名，全世界排有著名的阿里山小火車，經過梅山唯一的一個車站， 海拔有９０４公尺！視野毋若好又閣誠闊，會當看著獨立山，所以佇 日據時代這個所在又閣號作「望火台」，即碼叫做「見晴台」。 早期因為交通無利便，所以大部分的民生用品攏是用火車載來到「奶 寮」車站，才閣用人工相接的方式送來到學校。除了古早火車站以外， 太興嘛出產麻竹仔筍、高山茶佮真罕呢看會著的歸大片的麻離仔。 來到太興村，你一定要來泰興巖，參拜觀音佛祖。因為以前住佇 山區的人，毋若交通無利便，醫療服務嘛真缺欠，所以若有身苦病痛 攏會當拖就盡量拖，身體一直攏無通偌好。一直到了１８２３年，黃 根隆翁仔某來到這個所在求靈籤，想未到觀音佛祖顯靈，藥到病除。 後來就有足濟信眾慕名而來，香火嘛愈來愈興旺。佇泰興巖的後壁， 是竹仔林的遊樂區，佇遮你毋若會當看著真壯觀的山壁，猶閣有百年 的梅仔樹佮攏總未受到開發的樹林，有真豐富的芬多精。你若來太興， 會當來遮行行看看咧，相信你一定會有無仝款 的感受。 第二組 太興第一泉 高山鯝魚 各位來賓大家好，恁敢知影太興的第一泉是什麼？佇阮太興村這 個小小的莊頭裡面有一口井，相傳是觀世音菩薩指點阮莊內的簡巧雲 女士在民國九十二年挖出來的。因為水質誠清氣，喝起來嘛真甘甜， 而且尚可貴的是未輸自來水一直buh 出來，所以阮就佮伊號作「太興 第一泉」。續落來，咱若從太興山莊順路一直行落去，就會當到「生毛 樹溪生態保護區」。佇保護區內，咱會當看到齊頭花，嘛有人講苦花抑 是齊頭偎（就是鯝魚啦）佮誠媠的溪岸，閣真清氣的溪仔水。希望大 家有閒會當來遮行行看看咧，親近一下仔大自然。 第三組 漫步山羊路 吊橋 尋綠探幽 假使來到空氣清新的太興村，當然嘛一定未當錯過這個則呢媠的 好山好水。太興村是屬於阿里山國家風景區的一部分，風景毋若好看， 山溪、吊橋佮沿路的美景，絕對會乎你未記咧好轉去。佇吊橋的下面， 是壯觀的生毛樹溪的山壁佮溪岸，過橋了後是歸大片的樹林佮野花， 看著遠遠的山羊路，會當聽著流水聲，沿路欣賞的各種奇奇怪怪的大 石頭佮風景。遮有真濟款的野生動物，運氣若好的話，猶閣會當看著 佇對面咧出入的黑山羊，這嘛是「山羊路」路名的由來。 第四組 雲潭瀑布 圓潭溪風景區 大興是一個有好山好水的好所在，乎我先為大家紹介附近尚出名 的風景區－－雲潭水沖（瀑布）。若行佇雲潭水沖邊仔的步道，你一定 會當聽到真濟鳥仔咧唱歌，有當時仔猶閣會當看著野生的山羊出來咧 吃草仔，或是看到台灣猴山仔佇樹仔頂咧跳來跳去。佇溪谷內面，嘛 會當看到真濟種的保育魚仔咧游來游去。從雲潭水沖往瑞里的方向一 直行，就會當到圓潭溪風景區。在遮你會當若喝咖啡，若欣賞壯觀的 山壁佮水沖，閣聽著蟲咧叫鳥仔咧唱歌，大自然的音樂。這種感覺絕 對會乎你心涼脾肚開。 第五組 太風味物產 各位來賓好，歡迎來到太興社區。來到太興村，當然愛來喝一下 仔這的好茶－－二七仔佮烏龍茶。金萱茶阮遮攏叫做「二七仔」，它喝 起來會有一種真特別的淡薄仔的「牛奶」香哦！這歸年來，阮又閣開 發出佇日本當槍的養生茶－－「ga bah tea」。就是「佳葉龍茶」啦！ 真受到遊客的喜愛。 除了喝茶以外，佇遮猶閣有真出名的甜柿、柿仔冰、柿仔酒、竹 筍、梅仔等等的產品。猶閣有猶閣有古早味的「阿嬤的粿仔」，它的滋 味毋若香，料又閣實在，會使講是太興尚蓋有阿嬤的味的點心。另外 蘭花嘛是阮遮的物產之一，「一心蘭園」是社區內的一個大型的蘭花 場，大家有閒會當去遐行行看看咧。 第六組 太興生態 太興庄內的水蛙（四跤仔）種類真濟，暗時若是出來庄內散步， 一定會當聽著一場由土地公蛤仔、雷公蛤仔、雨怪（諸羅樹蛙）、青腰 仔（斯文豪氏蛙）、石kann3（樹蛙）等等各種無仝款的水蛙所組成樂 團，當咧高音低音鬧熱的演奏。啊若佇賞魚區內，會當看著一枝花嘛 有人講紅翅仔（馬口魚）、石兵（石賓魚）、石貼仔（爬岩鰍）等等珍 貴的魚仔。綴著季節的替換，佇秋天的時，就會當看著歸大群的白鴒 鷥佇天頂飛來飛去，看起來真壯觀。樹林內嘛會傳來各種鳥仔的歌聲， 像這款美妙的自然生態，你一定要親身