诏安腔社会组-107年全国语文竞赛.DOC

107年全國語文競賽客家語朗讀文章社會組（詔安腔） 編號01號 【豬腳樹豆湯】陳志寧原作 今年个過年，屋下个人共款係團圓，桌崠面上飯菜淰淰、豐沛，毋過，猶少一兜仔味素。想想个，正知係少了一件豬腳樹豆湯。 自??識事，年三十夜食暗頓起，到年初一个晨早時，屋下大大細細一概攏愛食菜，一直到初一當晝開臊，正會用食臊。年年過年，食當晝遐頓飯，在??屋下即正食豬腳樹豆湯定。阿媽講一來較好準備，二來過年時務盡量毋好用刀。 煮樹豆愛幾下點鐘來焄，所以，阿媽會在初一打早先浸一、兩斤。等到晨早食飽，火炭火起著，佢即拁浸好个樹豆和豬腳共下囥落鑊內底焄。佢講樹豆先浸便，焄个時較緊綿。共下焄个豬腳，定著愛用前腳，毋好用後腳。佢講，新正年頭，食前腳，後次擺正會向前行。??遐時務猶細，管佢係向前行抑係向後背行，若?著遐綿酪酪个豬腳，食起來毋若係好食，猶有阿媽惜??人个心，這豬腳樹豆湯即係過年時務上等个菜色。 莊下个作穡人，閒時白務，細子人个褲袋內底罕得有所費。過年个時，等到拜神過，即分會著矺年錢。這滿想起來，遐矺年錢少到實在有苦憐。毋過，在遐時務算起來，嘛係一大條錢。雖然阿依有交代，遐矺年錢愛留落來開學个時納讀書錢，??猶係會先提一兜仔錢去買「燥麵」。 燥麵用豬腳樹豆湯來泡，等到打開蓋，討食遐時，遐款餳人个味素，??想講若隔壁个伯公無得人安在神桌面上，佢無定著嘛會擎杖子行過來，拁??分一兜來食。 今年个年三十夜，阿依講市場內底買毋會著樹豆，所以無法度焄豬腳樹豆湯來食過年。??苦勸佢，辛苦無閒嘛歸年啊，今年初一食晝，??請歸屋下人來去山崠行行个，順續食山產。??拁阿依講，成下過年，阿媽講食豬腳樹豆湯，係望??人讀書、食頭路會用向前行。今年無通食，去山崠食山產，即準佢係跋向上个意思。 到山崠行尞遐時，?著山崠个人種个樹豆花開到歸下黃黃，實在有靚。在??人?樹豆花?到入神个時，正想著幾時係大自然變亂去啊。無照普通時个天氣，得這兜植物嘛跈在打亂佢人大頭个順序，樹豆正無法度在過年前收成，難怪市場內底無通買。 伯公生過後，??拁朋友討幾下粒豆仁來種。在討種豆仁進前，屋下个人去田頭伯公拜拜，希望伯公來保護這兜豆仁會暴芽，日後生做一頭一頭个好樹，擱開滿花、結多籽，在年底有好收成，會用在過年个時來焄一鑊豬腳樹豆湯。 ??會記得阿媽交代過个，定著愛用前腳來焄，得??屋下件件事頭攏會用向前行。 107年全國語文競賽客家語朗讀文章社會組（詔安腔） 編號02號 【兩角銀】邱坤玉原作 正五月个天氣，苦楝樹恬恬開滿山，花跈風搖散，跌落歸泥下个白花，淡淡个花香，恁餳人！嘛餳來歸陣个蜂，和??人嘛想討搵來食。 天光啊，屋外个日頭早即跋到竹尾高。正起來，即感覺真無自在，心肝底早即有打算。 「阿依，得??兩角銀，好無？」正起來即討討錢。 「你討做麼个？」??依聽到清清楚楚，面一橫，佢个聲像刀嫲恁利，真嚴在問??。 「??……??……想討買枝子冰食啦！」 「你身體敢會堪？猶想討食枝子冰！」佢嘴係在唸??，手嘛無歇在拁??包飯包。講著飯包，食肚即會疾，連半粒飯嘛無，正有細條番薯兩條，滷个薑嫲一垤。?著連當晝个飯包嘛無飯啊，??心肝暗暗在想：討去哪位尋兩角銀咧？ 在遐想个時務，??手即伸入??依个大衿衫，摸著褲袋，無摸著「希望」，正有氣慼慼个「失望」。??依無罵??，佢自家伸入褲袋提出內袋，又順手伸入另外一隻褲袋，和一角銀个影嘛無。兩粒目珠漸漸轉濕，目汁即忍毋會核啊。 ??依半氣半笑講：「阿依正經無銀角仔啦！毋會惑你！」毋過，無提著兩角銀，實在真毋甘願！即恁目汁又溚溚汀。嘛毋知麼个膽，??嗄坐在泥下張樣，越唩越大聲。 「仰子啊！為著兩角銀，你即目汁含蹛，你即恁無志氣？」好定泥，??依軟柔个目神變到真驚人。毋過，想討食枝子冰个心，大過皮在討疾。 「日求三頓，夜求一眠」个日子，毋若食肚愛弓緪，皮嘛愛挷緪，因為不時愛「食竹筱」。?著??依轉身去壁角，??想這下壞啊，攔緊跋起來，拚命走到尾直，著面唩著面走去學校。無想著??依佢嘛毋放手，隨跈在後背捎，??越驚即走越緊，走越緊阿依即捎越緊，歸路走到三百米外个伯公坪，腳步攏毋敢放慢落來。 「死蝦子，毋好擱走啊啦！阿依走毋會贏你啦！」聽著??依大氣接小氣 大氣接小氣：音tai ki? ziabˊ sio? ki?；上氣不接下氣的樣子。在遐喊。 大氣接小氣：音tai ki? ziabˊ sio? ki?；上氣不接下氣的樣子。 「你會修理??！」??半信半疑。「毋會啦！你愛擐包袱啦！若無，係愛仰子讀書咧？」??斡頭，?著??依擐包幾下本書和番薯飯个包袱，??驚驚跔跔接過來。 五月个日頭熱到人佇毋會核，合作社頭前个人排到恁長，苦楝樹下跳格子个細子人，逐儕一枝枝子冰，享受枝子冰涼涼、甜甜个味素，正??無枝子冰。??个拳頭嫲揢到緪緪，揢兩角銀个手毋敢放開，到今日猶會記得?