《布依语基础教程》电子版Lesson15(中).docxVIP

第十五课扁担山 Koq Xibhac Bolhaanzdaans Deeuzronl Guiqzouy bail Yinfnanf, Jincjaangl lix ndanl Zenqninf xianq. Zenqninf xianq lix maux bol ndeeul, Xoh deel yeeuhgueh Bolhaanzdaans- Dais gogt dangz byaail saaml lij raiz, Sis mianh lix sisxibbeedt mbaanx, Wenz Buxqyaix joonc qyus jieznix, Xalmizlaail lix beedtguc faanh. Xeeuh daaml xaauz gueh rihnaz genl, Ndaix nad haux aul lail nad haanh. Bolhaanzdaans leeux lumc deeuzhaanz, Soongl jauc haanz lix soongl ndanl mbaanx. Bolhaanzdaans youq lumc duezluangz, Jauc qyus Kungjmaj riangl Lojgaf, Soongl heenz lix bol ndil bah rih, Jincjaangl lix dah ndil gueh naz. Ndaml byagt ndaml haux ndaml waaisndaaix, Xiangx duez xiangx mul xiangx bidtgais. Buxsaail legmbegt duy guehhoongl, Lix genl lix danc ndil gvas ngonz.  Nauzdangz gusndux Bolhaanzdaans, Wenzbeangz Buxqyaix leeux dogtnaanh, Bilbil lix bux mal siul liangz. Ngonzngonz lix wenz mal rib kuanj. Gaais gaus fih leeux gaais mos dangz. Mizlix nganzxeenz gab bidthaans- Nauz maz “lix laix saaml baiz haanz” ? Nauz maz miz laix Bolhaanzdaans” ? Buxhoc miz nad haux laez genL Buxlix lix banzxianl banzfaanh. Xaiz bilbyauc Guiqzouy gaijfangq, Danglngonz xeeus dangz Bolhaanzdaans. Buxhoc weancndaangl gueh buxsuc, Wenzqyas wenzwaaih gvaadt os mbaanx. Buxqyaix Buxyeeuz riangz Buxhas, Dungxjaiz dungxndil lumc bixnuangx, Yianghmaz miz rox xih dungx soonl, Sians ndael beangz dungx sangyliangf baans? Leeuxboz ragtreengz gueh siqhuaq, Sami ndeeul jianqsef Bolhaanzdaans. 生词和词组 1 Bolhaanzdaans 扁担山 2、 deenzronl 路线 3、 jincjaangl 中间 4、 Zenqninfxianq 镇宇县 5、 maux 座 6、 xoh名称 7、 yeeuhgueh 叫做  8、lij 里 9^ raiz 长 10、sis 四 11 mianh面,方面 12^ sisxibbeedt 四十八 13 mbaanx 村寨 14、joonc集中，聚合 15、 jieznix 这里 16、 xalmizlaail 差不多 17 beedtguc 八九 18 xeeuh daaml xaauz 世世代代 19、lail 流，淌 20 haanh 汗水 deeuzhaanz 扁担 deeuzluangz 龙 23、 Kungjmaj 孔马（地名） 24、 Lojgaf裸戛（地名） 25、 rih 地 26 xiangx 养，饲养 27、 duez 牛 28、 bidtgais 鸡鸭 29 nauzdangz 说到 30 gusdux从前，过去 31 dogtnaanh 落难 32、 bilbil年年，每年 33、 siul 收 34 liangz 粮 35、rib 收 36 kuanj 款 37 gaa