儿童故事之编写实例.docVIP

兒童故事之編寫實例 偷食桃仔个猴（初稿） 狗和猴蹛佇一个田園內，有一日，猴又去偷吃主人種个桃仔，無張持煞去予狗仔看到，一時緊張，就【彳各】桃仔子吞入去腹肚內。 拄開始，猴認為，桃仔子佇腹肚內無要緊。隔轉日，猴感覺腹肚有淡薄仔怪怪，他開始黑白亂想：「害矣，桃仔子敢會佇腹肚內發（puh4）芽？抑若生一欉桃仔樹出來，我个腹肚會去予挭破去咧？」 猴愈想愈驚，無法度只好去揣狗仔参詳，看要按怎才好。狗仔說：「真簡單啦！子發芽一定要有水，你莫啉水，桃仔子著【勿會】發芽，嘛【勿會】生桃仔樹出來。」 也是狗仔較巧，就按呢啦！猴歡歡喜喜【彳各】狗仔說多謝。從這日開始，猴一喙水都攏無【口林】，尾仔因為傷喙焦，猴就死蹺蹺啊！ 偷食桃仔个猴猻仔 （修改稿） 蘇純瑩老師 城淑賢老師 「一粒、兩粒、三粒、四粒…」，桃仔欉頂面，一粒一粒粉紅仔粉紅，飽水擱大粒个桃仔結【ㄔ各】滿滿是。桃仔收成个季節又擱到矣。 阿水伯仔一世人種桃仔，一世人經營桃仔園。若講著桃仔，伊就講喙笑目笑，一个面粉紅仔紅，親像樹頂个桃仔仝款。 阿水伯仔个桃仔園內底有倩兩个長工—狗仔和猴猻仔。狗仔和猴猻仔本來無啥熟似，佇桃仔園內底做夥工作，就按呢（cong5）變做好朋友。阿水伯仔照个個性、專長，來分配工課（khang1 khue3）：忠心个狗仔愛負責看顧桃仔園；跤手猛掠（meh4 liah8）、上gau5樹仔个猴猻仔負責挽（ban2）桃仔。拄開始，兩人攏工作真負責，嘛真守本份，共桃仔園管顧了， 日子一下仔久，猴猻仔看著樹椏頂面个桃仔，逐粒攏生圓輾輾(lin3)擱飽水飽水，粉紅仔色个皮擱有甜粅粅(but4)个芳味，干但用看个，喙瀾就強欲流出來。猴猻仔開始檔牢，三不五時就順手偷挽一粒桃仔來食，事先（tai7 sing1）挽五粒就食一粒。食了知滋味，擱看著著狗仔假無看見，就愈來愈好款，挽三粒食兩粒…。 漸漸仔，阿水伯仔發現桃仔園个收成愈來愈（bai2），就大聲責備狗仔。「狗啊狗！人講你是忠心顧門埕，我看你是愛佚陶較有影。一定是你！一定是你！無盡著責任，予人走入來偷挽桃仔食」。猴猻仔佇邊仔，嘛毋敢承認桃仔是伊偷食去个，恬恬毋敢出聲。狗仔去予主人罵臭頭，心內真委屈，毋擱伊並無講出來，連「汪！汪！」兩聲嘛毋敢吠，只是對猴猻仔怨恨在心內。 有一日，猴猻仔慣勢成自然，又猶擱若挽若偷食桃仔，險險去予主人看著，一時緊張，就共桃仔子吞入去腹肚內。 隔轉日，猴猻仔開始感覺腹肚各樣各樣（koh4 ionn7 koh4 ionn7），有淡薄仔怪怪，伊開始煩惱：「害啊！桃仔子敢會佇腹肚內發穎(puh4 inn2)？啊若發(huat4)一欉桃仔樹出來，我个腹肚毋就會去予挭（king7）破去？」 猴猻仔愈想愈驚，人講「一人主張，毋值著兩人思量」，無法度，只好去揣狗仔参詳（cham1 siong5），看欲按怎才好。狗仔想著家己个委屈，欲趁這个機會共猴猻仔教示一下，就騙伊講：「真簡單啦！子若要發穎（puh4 inn2），一定愛有水，你莫啉水（lim1 cui2），桃仔子就發穎。若無發穎，就 「啊！著否（tioh8 honnh0）！我哪會無想著！」猴猻仔歡歡喜喜共狗仔說多謝。自彼日開始，猴猻仔無論按怎喙焦，伊一滴水都不敢啉。幾若日過去矣，猴猻仔喙焦擋牢，伊偷偷仔啉一喙水，毋擱伊啉落去了，隨(sui5)就後悔。 「唉！欲按怎才好？今（tann1）！是欲按怎才好？這嘛桃仔子一定會發穎啊！我得欲無命矣！」猴猻仔因為煩惱，規暝煞睏去。天光以後，伊憨神憨神行到桃仔園內，風微微仔吹過來，他恬恬（tiam7 tiam7 ）仔坐佇樹仔跤，煞開始盹龜（tuh4 ku1）……。 「哈！哈！哈！足好笑个！有一隻猴猻仔个頭殼頂發一欉桃仔樹，足好笑个！」田嬰、尾蝶、鳥仔，佇樹林內飛來飛去，逐家攏咧講這件大新聞。 「猴猻仔猴猻仔尻川紅，偷食桃仔發（huat4）桃仔欉！」猴猻仔偷食桃仔个事志真緊就傳出去，規山內逐家通知（thong1 cai1）。猴猻仔感覺足見笑，雄狂挽一片姑婆芋仔个葉，當做帽仔戴佇頭頂，傱（cong5）去深山內想欲走去覕（bih4）起來。看著一个樹空，就共身軀軁(nng1)入去，唉！「人若衰，種瓠仔生菜瓜」，因為樹空無夠大，猴猻仔个身軀是軁(nng1)入去矣，但是尻川煞去拄牢个。軁(nng1)，是軁(nng1) 入去：拔（pueh8），嘛拔（pueh8）出來。天已經暗下來，月娘个光照佇猴猻仔紅記記个尻川，親像一粒足好食个大粒桃仔，連天頂个星攏笑喙仔裂獅獅。 猴猻仔這个時陣是憂頭結面，伊一手摸著頭殼頂這欉桃仔樹，一手拭（chit4）目屎，愈吼愈大聲，講：「狗仔兄！是我做毋著事志啦！我無應該偷食桃仔，害你去予主人罵，請你原諒我，請你原諒我，請你原諒我……」 「喂！緊起來啦！我已經原諒