自爱与关怀.DOC

S3A第六組 陳燕筠(1)、丁蔚心(15)、黃佩筠(17)、盧堃耀(29)、王凱昇(37) 《應該要自愛》 角色表 導演黃安楠（楠） 中六生，喜愛攝影及繪畫。 黃安清（清） 楠的妹妹， 中四生，典型的反叛青年，愛享受、剌激。 黃秀霞（黃太） 　楠母，三十多歲，出身富裕家庭，生活一向無憂。愛面子。 玉萍（萍） 黃家多年來的女傭，四十多五十歲，與兄妹二人關係要好。 至泰（泰） 黃家司機 張太 何太 陳四姨太 勇 　　　 清的同學 威 清的同學醫生 記者甲 記者乙 記者丙 旁白幕後：道具燈光第一幕 〔燈亮，楠在客廳一角，獨自寫著日記。〕 旁: 呀楠每天都會寫日記，佢好中意將每日所發生的事寫低。 楠： 十二月十日，天氣寒冷。開始習慣每日朝頭早迫巴士番學口既生活，係就係辛苦口的，但係其實約埋口的同學番學放學，點都開心過自己一個人對住個司機。今日放學同亞楓亞威口係條街到，拎住部相機左影右影，先發覺原來屋企附近有咁多地方我係未行過口架。另外，爸爸今日打過電話番口黎，佢問我番學點呀，妹妹點呀咁，原來唔經唔覺佢都已經走口左成三個月。呢三個月入面，屋企真係變口左好多，妹妹成日都唔知走口左去邊，媽媽又賣哂佢自己口的手飾，而且脾氣仲愈口黎愈大…… 旁: 有一日,黃太約左三個師奶去其太屋企一齊下午茶,仲有傾有笑 陳四姨太： （不以為然的）唉，你口地同我行埋一邊啦，你口地碎石點同我呢粒非洲之星比呀？ 張太： 車，係就係大粒，不過個款咁俗，你咁都肯帶上身，我都服口左你喇。 陳四姨太： 係咩……不過，點都好，有得戴點都總好過冇得戴。（望著身上並無珠寶的黃太）丫，黃太，平時你最鐘意俾你口的手飾我口地睇，開口下眼界架，今日唔見你出聲口既？ 黃太： （在意地）冇……我見你咁特登要約上口黎我呢度，就知你一定有好口野要哂俾大家睇啦。你咁難得有一次機會哂咯，我邊好意思搶你風頭呀！ 〔陳四姨太正要破口大罵〕 何太： 唏……陳四姨太，你粒石真係好閃喎，一定係好貴架喇…… 陳四姨太： 都幾咁啦……不過，慘得過我老公俾得起！個男人係錫你口既，你話鐘意，佢幾貴都會買俾你架啦……你話係咪呀黃太？ 黃太： 口的男人唔係做口左虧心事會對你咁好？咪發夢啦！不如你番去問口下你口的姊妹，當年你口個個好錫你口既老公娶你口個陣，佢口地收過口的咩，同埋佢口地俾人打入冷宮之後，獨守空帷口既生活係點仲好啦，陳「四」姨太！他朝君體也相同呀！ 張太： 係喎，聞說你老公多口左個呀五喎，係咪真架？（一頓，陳四姨太不作聲）哎，我都係關心你咋。  何太： （打圓場）唏，雜誌口的口野都好信口既。邊會有口的咁口既事丫。 陳四姨太： （賭氣地）我怕咩認呀，我自己都係人口地四姨太啦……多個呀五我洗驚佢！我唔似得口的人自己頂唔順個老公包二奶，就搵人出氣…… 黃太： （語塞）你……我都唔知你講咩……我想去一去洗手間先……失陪。 〔黃太出〕 何太： 哎口也，好心你就收口下口啦…… 陳四姨太： 車，佢講得我唔講得呀？ 張太： 哈……你講得你講得，全世界都知啦，係佢唔肯認之麻…… 陳四姨太： 你估到佢唔認喇喎，呢口的口野呃唔倒一世口既。 張太： 梗係呃唔倒啦，個大口既等得，個細口既都等唔倒啦。 何太： 唉，你叫人口地點認口者，行出去同口的人講，話自己老公番大陸包二奶，依家大口左肚要搵人認頭咁呀？ 張太： 咁又真係幾難認口既，咁核突，俾口的記者登哂出口黎……「二奶大肚突襲搶老公，黃秀霞不敵互摑洩憤」 陳四姨太： 哈哈哈……聞說唔只互摑咁簡單喎…… 〔三人圍成一團，漸小聲。燈光轉，近大門位置，泰氣沖沖的入，後隨著萍〕 旁: 之家裹面的工人同埋司機係到傾計 萍： 喂！都叫你唔好咯……你嚇親口的細路呀…… 泰： 太太呢？ 萍： 話口左你知佢唔得閒架喇…… 泰： 哦，唔得閒出糧俾我，又得閒係到同班呀太講是非…… 萍： 你唔好咁嬲住先啦，拖一拖口者，咪俾口的時間人周轉下口羅。 泰： 嘩，你講呀，出面話太太唔要先生口的錢呀，佢何來仲有錢周轉呀，太太佢又一向都大花筒口既，你唔係唔知架啦。口的咁口既蛀米大蟲，我點知佢會唔會連我口個份都洗埋架。我唔理，佢已經拖口左我兩個月糧喇，佢再唔出糧俾我，我就告佢。 萍： 唉，一場賓主，何必搞到咁呢？ 泰： 我唔理，我就口係到等到佢出口黎為止。 〔黃太出來〕 旁: 之後，佢地一齊打麻雀，黃太話唔打，之後她們各有各做 張太： 哈哈哈……原來係扯哂頭髮打哂交咁架，真係羞家死人…… 陳四姨太： 咪係，做女人做到