林健枝教授-EPDCleanHarbour.PDF

林健枝教授: …我係今天嘅公開聽證會嘅主持啦。就我地今天主要嘅目的呢，就 係就住淨化海港計劃第二期工程嘅諮詢文件呢，就提出意見。呢個會呢就可以用 中文同埋英文，咁所以我都會跟住呢就會去轉台架喇。喺場外呢亦都有一啲即時 傳譯嘅耳筒呢，大家可以嚟到去用啦。就好似我剛才咁講啦，淨化海港計劃第二 期嘅工程嗰個諮詢呢，已經展開咗有好幾個月，咁諮詢嗰個階段呢，將會喺一兩 個禮拜裡面完結。咁今天個會主要嘅目的呢，都係提供一個機會呢可以俾公眾人 士呢嚟到去提供意見。就我剛才講過呢，就呢個會會係雙語，咁所有參與會嘅人 士呢，係歡迎用中文或者係英文嚟到發言。咁我諗呢我跟住呢就去轉轉台先。 *********** (翻譯) ************** 各位，本人是今次公開聽證會主持林健枝。我代表主辦機構環境運輸及工務局歡 迎各位出席聽證會及提出意見。各位可以中文或英文就淨化海港計劃第二期工程 發表意見。本人很高興能有份參與這次聽証會，希望藉此機會讓各界人士就淨化 海港計劃第二期發表意見。香港以其海港而聞名，而「香港」這兩個中文字提醒 了我們擁有這樣一個天然資產是多麼幸福。與此同時，大家可能亦注意到海港的 水質已隨著人口及排污量增加而變差，並已逹到一個足以使我們的健康及旅遊業 受到威脅的程度。我們今天是要向有關當局反映意見。各位今天出席這個聽證會 是因為大家關心香港的水質，希望表達意見及參與有關的決策過程。香港水質的 管理問題並非一個新議題，市民及專業人士已就這問題討論了超過十年，現在相 信是時候作出決定了。首先我們會聽聽當局對有關計劃的簡介，然後由大家發表 意見。我的角色呢-我年輕時的志願是當飛機師，當我知道做不成機師時，我就 希望當航空控制員來控制機師。我現在的角色就好像航空控制員，盡量確保大家 可準時及安全到　。因此，我希望大家能準時起飛及完成。不要帶太多行李、要 對題。違禁品不要帶上機，不得帶武器，不得污言穢語。我們今次有五個已登記 的簡報。我們先會聽取淨化海港計劃第二期的簡介。由於今天主要是由市民向政 府反映意見，所以當局在簡介淨化海港計劃第二期時會較著重於數據及實質資 料。每個簡報會有十五分鐘時間，請大家守時，我會採用各種方法確保大家準時 起飛及完成。我們有即時傳譯，亦會有聽證會的逐字記錄，之後會上載到有關的 政府網頁。這是經濟航班，我們不會供應膳食。在十時四十分左右會有一個小休， 大家可以在外面喝杯茶，輕鬆一下。小休後是自由討論時間，我會邀請各講者上 台，接受大家提問及聽取台下的意見。現在我想先請環境運輸及工務局首席助理 秘書長劉震先生，為我們講述淨化海港計劃第二期的背景資料。劉先生，請。 ******************************** 劉震： 早晨各位，我係劉震。係代表呢個環境運輸工務局，同大家簡介呢個淨 化海港計劃第二期嘅未來路向。咁今日嗰啲材料呢，可能大家響其他嘅場合都聽 過喇。不過我希望響呢度再俾大家一個回顧。 其實淨化海港計劃喺未投產之前呢，我地香港嘅污水呢係大部分未經過處理嘅， 響呢啲圓點嘅地方排出呢個維港。咁我地而家每日製造緊係 1,700,000 立方米嘅 污水啦。足以填滿800 個奧運標準泳池或者一個石梨貝水塘。呢度個圖係顯示緊 大腸桿菌喺1986 年至到2001 年嗰個變化。咁響呢啲咁嘅水質監察站入面呢，大 家都可以見到喇，嗰個趨勢呢一路都係上升嘅。呢幅圖係顯示咗2001 年 12 月當 淨化海港計劃第一期全面投產之後嘅情況。虛線嘅地方就係一啲深層嘅地底隧 道，喺地下 80-150 米。係將香港、九龍部分嘅主要市區呢係連接咗去昂船洲； 包括葵青、九龍、將軍澳、東九龍啦同埋柴灣、筲箕灣。但係呢仲有一大部分嘅 地方喺香港島嘅北岸同埋西岸呢，即係呢啲圓點所見到嗰啲咁嘅市區，係仲未接 駁響我地個系統入面。而呢一啲將會喺我地第二期計劃嗰度覆蓋。 淨化海港計劃第一期現時係採用緊化學處理，為我地處理每日達到 1,400,000 立 方米嘅污水。咁佢係一個非常有效嘅處理過程，有效嘅意思係佢可以去除好大量 嘅污染物啦。包括有70%嘅有機污染物、80%嘅懸浮固體，同埋50%嘅大腸桿菌。 因為呢一個咁嘅處理過程，我地每日減少咗600 噸嘅污泥進入我地嘅海港。而佢 亦都係一個十分之有經濟效益嘅過程。呢一幅圖係顯示咗未有淨化海港計劃第一 期，大家可以響維港見到嘅污水積。因為當時嘅污水未受到處理，所以我地間唔 中響維港嘅海面會出現呢一種咁嘅情況。呢個亦都係另一幅圖顯示咗個污水積響 呢個啟德機場對出。再另外一幅圖，呢幅圖就顯示咗淨化海港計劃第一期投產之 後而家嗰個情況，雖然個光暗度變化係有唔同呀，咁但係呢大家都可以見到呢